ພາບປະກອບ:internet |
(vovworld)- ວັນທີ 3/1 ຢູ່ ນະຄອນ ເກີນເທີ ໄດ້ດຳເນີນກອງປະຊຸມແນະນຳດຳລັດເລກທີ 92 ຂອງລັດຖະບານ, ກຳນົດມາດຕະການປະຕິບັດ ລັດຖະບັນຍັດກ່ຽວກັບການເຫລື້ອມໃສສາສະຫນາໃຫ້ແກ່ບັນດາອົງການສາສະຫນາ, ນັກບວດ, ຍົດຖາບັນດາສັກ ແລະ ສາສະນິກະຊົນຂອງບັນດາແຂວງ, ນະຄອນຢູ່ເຂດທົ່ງພຽງແມ່ນ້ຳຂອງ. ດຳລັດສະບັບດັ່ງກ່າວໄດ້ກຳນົດຢ່າງຈະແຈ້ງກ່ຽວກັບການເຄື່ອນໄຫວເຫລື້ອມໃສ, ອົງການສາສະຫນາ, ການເຄ່ືອນໄຫວສາສະຫນາຂອງສາສະນິກະຊົນ, ນັກບວດ, ຍົດຖາບັນດາສັກ, ຄວາມຮັບຜິດຊອບຂອງອົງການລັດໃນການຄຸ້ມຄອງການເຄື່ອນໄຫວທາງສາສະຫນາ, ການເຫລື້ອມໃສ. ກ່ຽວກັບສິດເສລິໃນການເຊື່ອຖືສາສະຫນາຂອງພົນລະເມືອງ, ດຳລັດສະບັບດັ່ງກ່າວໄດ້ຊີ້ແຈງວ່າ: ລັດ ຫວຽດນາມ ເຄົາລົບ ແລະຮັບປະກັນສິດເສລີໃນການເຫລື້ອມໃສສາສະຫນາ, ການເຊື່ອຖື ຫລືບໍ່ເຊື່ອຖືສາສະຫນາໃດຫນຶ່ງຂອງພົນລະເມືອງ, ເດັດຂາດບໍ່ມີຜູ້ໃດລະເມີດເຖິງສິດເສລີນັ້ນ. ຫ້າມການບັງຄັບພົນລະເມືອງເຊື່ອຖື, ປະລະສາສະຫນາ ຫລື ສວຍໃຊ້ສິດເສລີໃນການເຊື່ອຖືສາສະຫນາເພື່ອທຳລາຍສັນຕິພາບ, ເອກະລາດ, ເອກະພາບຂອງປະເທດຊາດ.