ທ່ານນາຍົກລັດຖະມົນຕີ ຫງວຽນເຕີນຢູ້ງ ເຮັດວຽກຢູ່ແຂວງ ເລີມດົ່ງ
(ພາບ: ÐỨC TÁM (TTXVN)
|
(vovworld) – ຕອນເຊົ້າວັນທີ 10/2, ທ່ານນາຍົກລັດຖະມົນຕີ ຫງວຽນເຕີນຢູ້ງ ພ້ອມກັບຄະນະປະຕິບັດງານລັດຖະບານໄດ້ລົງກວດກາຄວາມຄືບໜ້າໃນການເຄື່ອນໄຫວຜະລິດ ອາລູມີນຽມ ຂອງໂຄງການ Bauxit – ອາລູມີນຽມ ເລີມດົ່ງ ຢູ່ເມືອງ ບ໋າວເລີມ, ແຂວງ ເລີມດົ່ງ. ນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢູ້ງ ສະເໜີໃຫ້ກຸ່ມບໍລິສັດອຸດສາຫະກຳຖ່ານຫີນ, ບໍລິສັດ ອາລູມີນຽມ ເລີມດົ່ງ ສືບຕໍ່ການມອບຮັບ ແລະ ນຳໂຮງງານເຄື່ອນໄຫວຢ່າງມີປະສິດທິຜົນ, ປອດໄພ, ພ້ອມທັງຍົກລະດັບການຜະລິດຂອງໂຮງງານຖືກກັບຄວາມຄືບໜ້າ, ຍູ້ແຮງການສົ່ງເສີມການຄ້າ, ເປີດກ້ວາງຕະຫຼາດຈຳໜ່າຍຜະລິດຕະພັນດ້ວຍລາຄາສູງສຸດ. ພິເສດ, ຕ້ອງຮັບປະກັນຄວາມປອດໄພສິ່ງແວດລ້ອມຢ່າງເດັດຂາດ. ທ່ານນາຍົກລັດຖະມົນຕີ ກໍ່ຮຽກຮ້ອງກຸ່ມບໍລິສັດອຸດສາຫະກຳຖ່ານຫີນ, ບໍລິສັດ ອາລູມີນຽມ ເລີມດົ່ງ ເບິ່ງແຍງຊີວິດທາງດ້ານວັດຖຸ, ຈິດໃຈໃຫ້ແກ່ພະນັກງານ, ພາລະກອນ ແລະ ຜູ້ອອກແຮງງານ, ປະກອບສ່ວນຕັ້ງໜ້າເຂົ້າໃນວິວັດການພັດທະນາເສດຖະກິດ, ສັງຄົມ, ຍົກສູງຊີວິດການເປັນຢູ່ຂອງປະຊາຊົນທ້ອງຖິ່ນ, ສືບຕໍ່ປະຕິບັດວຽກງານຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍທັງຢູ່ພາຍໃນ ແລະ ນອກໂຮງງານ. ບົນພື້ນຖານໝາກຜົນເບື້ອງຕົ້ນເຊິ່ງໂຄງການນຳມາໃຫ້ທັງປະສິດທິຜົນດ້ານເສດຖະກິດ, ສັງຄົມ ແລະ ຮັບປະກັນສິ່ງແວດລ້ອມ, ທ່ານນາຍົກລັດຖະມົນຕີ ຕົກລົງແຜນນະໂຍບາຍຫັນເປັນຫຸ້ນສ່ວນບໍລິສັດຈຳກັດຜູ້ດ່ຽວ ອານູມີນຽມ ເລີມດົ່ງ ເພື່ອແນໃສ່ດຶງດູດນັກລົງທຶນຍຸດທະສາດເພື່ອເປີດກ້ວາງພັດທະນາຕາມທິດຜະລິດ ອາລູມີນຽມ ແລະ ບັນດາຜະລິດຕະພັນຈາກ ອາລູມີນຽມ.