(vovworld) - ພະແນກວັດທະນະທຳ, ກິລາ ແລະ ທ່ອງທ່ຽວ ແຂວງເທື່ອທຽນເຫ໋ວ ພວມຜັນຂະຫຍາຍການຕັ້ງແຜນທີ່ຢັ້ງຢືນອະທິປະໄຕໝູ່ເກາະຮ່ວາງຊາ ແລະ ເຈື່ອງຊາ ຢູ່ບັນດາເຂດປູຊະນີຍະສະຖານ, ສະຖານນີລົດໄຟ, ສະໜາມຫຼວງ ເພື່ອຊ່ວຍໃຫ້ປະຊາຊົນ ແລະ ແຂກທ່ອງທ່ຽວເຂົ້າໃຈກວ່າ ກ່ຽວກັບອະທິປະໄຕຂອງຫວຽດນາມ ທີ່ມີຕໍ່ໝູ່ເກາະຮ່ວາງຊາ ແລະ ເຈື່ອງຊາ, ຢືນຢັນອະທິປະໄຕເຂດທະເລ, ໝູ່ເກາະຂອງຫວຽດນາມ. ທ່ານ ກາວຈິ໋ຫາຍ, ຮອງຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວ ແຂວງ ເທື່ອທຽນເຫ໋ວ ໃຫ້ຮູ້ວ່າ.
“ຂະແໜງວັດທະນະທຳ, ກິລາ ແລະ ທ່ອງທ່ຽວ ແຂວງ ເທື່ອທຽນເຫ໋ວ ໄດ້ສົມທົບກັບບັນດາຫົວໜ່ວຍໃນບໍລິເວນແຂວງຈັດຕັ້ງການໂຄສະນາກ່ຽວກັບອະທິປະໄຕຂອງປະເທດຊາດ, ພິເສດແມ່ນກ່ຽວກັບອະທິປະໄຕຂອງປະເທດຊາດ, ອະທິປະໄຕກ່ຽວກັບເຂດທະເລໝູ່ເກາະຢັ້ງຢືນອະທິປະໄຕ 2 ໝູ່ເກາະຮ່ວາງຊາ ແລະ ເຈື່ອງຊາ ແມ່ນຂຶ້ນກັບອະທິປະໄຕຂອງຫວຽດນາມ. ບັນດາແຜນທີ່ດັ່ງກ່າວຖືກຕັ້ງຢູ່ສະຖານທີ່ມີຄົນໄປມາ ແລະ ມີນັກທ່ອງທ່ຽວສາກົນຫຼາຍຄົນມາທ່ອງທ່ຽວ ເພື່ອໃຫ້ນັກທ່ອງທ່ຽວເຫັນໄດ້ສະຕິຄວາມຮັບຜິດຊອບຂອງຊາວຫວຽດນາມ ຕໍ່ອະທິປະໄຕຂອງປະເທດຊາດ”.
ແຜນທີ່ໃຫຍ່ 4 ແຜ່ນເຊິ່ງພະແນກວັດທະນະທຳ, ກິລາ ແລະ ທ່ອງທ່ຽວ ແຂວງເທື່ອທຽນເຫ໋ວ ໄດ້ນຳມາຕັ້ງຢູ່ເຂດວັງທ໋າຍຮ່ວາ - ດ້າຍໂນ້ຍເຫ໋ວ; ສະຖານີລົດໄຟເຫ໋ວ, ເຂດປູຊະນີຍະສະຖານ ຍີລວນເດື່ອງ, ຫໍພິພິຕະພັນປະຫວັດສາດປະຕິວັດ ແລະ ສະໜາມຫຼວງສູນວັດທະນະທຳຖະແຫຼງຂ່າວຂອງແຂວງ. ບັນດາແຜນທີ່ລ້ວນແຕ່ຖືກໝາຍເຫດດ້ວຍພາສາຫວຽດນາມ, ຈີນ ແລະ ອັງກິດ. ບັນດາແຜນທີ່ລວມມີ; ແຜນທີ່ປະເທດ ດ້າຍນາມ (ພິມຈຳໜ່າຍປີ 1834, ສະໄໝເຈົ້າຊີວິດມິງມ້າງ), ແຜນທີ່ປະເທດ ອານນາມ (ປີ 1838), ແຜນທີ່ສະໄໝລາດຊະວົງ ຊິງ ຂອງຈີນ (ປີ 1904), ແຜນທີ່ບັນດາສະຖານີອຸຕຸນິຍົມອິນດູຈີນ (ປີ 1940).