ຕັດສິນໃຈບໍ່ແລກອະທິປະໄຕເອົາຄວາມມິດຕະພາບແບບລະເມີເຟີຝັນ
ທ່ານນາຍົກລັດຖະມົນຕີ ຫງວຽນເຕີນຢູ້ງ ໃນການປະຊຸມຂ່າວຢູ່ ຟິລິບປິນ
(ພາບ: Nhật Bắc)
(vovworld) – ໃນຂອບເຂດການຢ້ຽມຢາມ ແລະ ເຮັດວຽກຢູ່ ຟິລິບປິນ ແລະ ເຂົ້າຮ່ວມເວທີປາໄສເສດຖະກິດໂລກ (WEF) ພາກພື້ນ ອາຊີຕາເວັນອອກ ຢູ່ນະຄອນຫຼວງ ມານີລາ, ທ່ານນາຍົກລັດຖະມົນຕີ ຫງວຽນເຕີນຢູ້ງ ໄດ້ຕອບສຳພາດສຳນັກຂ່າວສານ AP (ອາເມລິກາ) ແລະ Reuters (ອັງກິດ).
ທ່ານນາຍົກລັດຖະມົນຕີ ຫງວຽນເຕີນຢູ້ງ ຊີ້ແຈ້ງວ່າ: ຍາມໃດ ຫວຽດນາມ ສະເໝີຕົ້ນສະເໝີປາຍໃນການນຳໃຊ້ມາດຕະການສັນຕິພາບ ແລະ ນຳໃຊ້ທຸກໆກາລະໂອກາດ, ທຸກຊ່ອງເຈລະຈາເພື່ອແກ້ໄຂສະພາບການໃນປະຈຸບັນໂດຍສັນຕິ. ຫວຽດນາມ ມີຄວາມຈິງໃຈ, ມີເຈດຕະນາດີ ແລະ ລະງັບໃຈ, ແຕ່ຄຳຕອບໃນປະຈຸບັນແມ່ນ: ຈີນ ນັບມື້ນັບເພີ່ມທະວີກຳລັງແຮງ, ບັນດາການກະທຳນາບຂູ່ ແລະ ລະເມີດ, ຕູ່ຫາ ແລະ ຖີ້ມໂທດໃຫ້ ຫວຽດນາມ ຢ່າງຕໍ່ເນື່ອງ. ບັນດາການກະທຳຂອງ ຈີນ ໃນເຂດທະເລຂອງ ຫວຽດນາມ ໃນຊຸມວັນຜ່ານມາແມ່ນອັນຕະລາຍທີ່ສຸດ, ນາບຂູ່ເຖິງສັນຕິພາບ, ສະຖຽນລະພາບ, ຄວາມສະຫງົບ ແລະ ຄວາມເສລີການເດີນທະເລ, ການຮ່ວມມື ແລະ ການພັດທະນາຢູ່ພາກພື້ນ ແລະ ຢູ່່ໃນໂລກຢ່າງແຮງ. ທ່ານນາຍົກລັດຖະມົນຕີ ຫງວຽນເຕີນຢູ້ງ ເນັ້ນໜັກວ່າ: ຫວຽດນາມ ເດັດດ່ຽວປົກປັກຮັກສາອະທິປະໄຕ ແລະ ຜົນປະໂຫຍດອັນຊອບທຳເພື່ອອະທິປະໄຕຜືນແຜ່ນດິນ, ອະທິປະໄຕທະເລ, ໝູ່ເກາະສັກກະລະບູຊາຂອງຕົນ. ຫວຽດນາມ ພວມຄິດໄລ່ຊັ່ງຊາບັນດາວິທີເພື່ອປົກປັກຮັກສາຕົນ, ນັບທັງວິທີຕໍ່ສູ້ທາງນິຕິກຳ, ຕາມກົດໝາຍສາກົນ.
ໃນສະພາບຄວາມເຄັ່ງຕຶງປິນຂັ້ນໄດໃນປະຈຸບັນຢູ່ທະເລຕາເວັນອອກ, ທ່ານນາຍົກລັດຖະມົນຕີ ຫງວຽນເຕີນຢູ້ງ ໃຫ້ຮູ້ວ່າ: ຫວຽດນາມ ບໍ່ເຂົ້າຮ່ວມພັນທະມິດການທະຫານໃດໆ ເພື່ອຕ້ານປະເທດອື່ນ. ນີ້ແມ່ນນະໂຍບາຍການຕ່າງປະເທດຢ່າງສະເໝີຕົ້ນສະເໝີປາຍຂອງ ຫວຽດນາມ. ກ່ຽວກັບເລື່ອງ ຈີນ ໄດ້ຕັ້ງຮ້ານເຈາະນ້ຳມັນ ໄຮຢາງ 981, ລ່ວງລ້ຳເຂດເສດຖະກິດຈຳເພາະ ແລະ ເຂດໄຫຼ່ທະວີບຂອງ ຫວຽດນາມ ຢູ່ທະເລຕາເວັນອອກ, ຫວຽດນາມ ປະກາດ ແລະ ໃຫ້ຂ່າວຢ່າງຊັດເຈນເຖິງບັນດາອົງການສາກົນ, ລັດຖະບານບັນດາປະເທດ, ວົງການນັກການເມືອງ ແລະ ນັກຮຽນຮູ້, ສື່ມວນຊົນສາກົນ. ປະຊາຄົມໂລກສືບຕໍ່ມີການຕີລາຄາຢ່າງຖືກຕ້ອງ ແລະ ມີສຽງເວົ້າເໝາະສົມເພື່ອສະກັດກັ້ນໄພນາບຂູ່ເຖິງສັນຕິພາບ, ສະຖຽນລະພາບຢູ່ທະເລຕາເວັນອອກຢ່າງຮ້າຍແຮງ. ຫວຽດນາມ ຮຽກຮ້ອງໃຫ້ປະຊາຄົມໂລກ, ບັນດາປະເທດ, ບັນດາສ່ວນບຸກຄົນ ແລະ ອົງການສາກົນສືບຕໍ່ອອກສຽງຄັດຄ້ານການກະທຳລະເມີດກົດໝາຍຂອງ ຈີນ ຢ່າງແຮງ.