ປະເທດຕີມໍຕາເວັນອອກ (ພາບ:ອິນເຕີແນັດ)
(vovworld) - ວັນທີ 27/8 ທ່ານນາຍົກລັດຖະມົນຕີ ຕີມໍຕາເວັນອອກ Rui Maria de Araujo ໄດ້ຢ້ຽມຢາມຄະນະເລຂາ ອາຊຽນ ແລະ ມີການພົບປະກັບທ່ານ ເລເລືອງມິງ ເລຂາທິການໃຫຍ່ ອາຊຽນ. ທີ່ການພົບປະ, ທ່ານນາຍົກລັດຖະມົນຕີ Rui Maria de Araujo ຢືນຢັນວ່າ: ຕີມໍຕາເວັນອອກ ຖື ອາຊຽນ ເປັນສຳຄັນທີ່ສຸດ ແລະ ລັດຖະບານປະເທດນີ້ ພວມປະຕິບັດບັນດາບາດກ້າວທີ່ຈຳເປັນ ເພື່ອເຂົ້າຮ່ວມອົງການຈັດຕັ້ງນີ້. ທ່ານ Rui Maria de Araujo ໃຫ້ຮູ້ວ່າ: ຕີມໍຕາເວັນອອກ ໄດ້ມີຄວາມເຊື່ອໝັ້ນຕົນເອງ ແລະ ພ້ອມແລ້ວມີບັນດາການປະກອບສ່ວນຢ່າງຕັ້ງໜ້າ ເພື່ອເຂົ້າຮ່ວມ ອາຊຽນ. ໃນເລື່ອງກະກຽມເພື່ອກາຍເປັນສະມາຊິກ ອາຊຽນ, ຕີມໍຕາເວັນອອກ ໄດ້ສ້າງຕັ້ງອົງການຕາງໜ້າການທູດຢູ່ນະຄອນຫວງຂອງບັນດາປະເທດສະມາຊິກ ອາຊຽນ. ທ່ານເລຂາທິການໃຫຍ່ ເລເລືອງມິງ ໃຫ້ຮູ້ວ່າ: ບັນດາລະບຽບການ ເພື່ອໃຫ້ ຕີມໍຕາເວັນອອກ ເຂົ້າຮ່ວມ ອາຊຽນ ພວມຜ່ານຜ່າຂັ້ນຕອນພາຍໃນ ແລະ ພິຈາລະນາຢ່າງເຂັ້ມງວດ, ພ້ອມທັງເນັ້ນໜັກວ່າ: ອາຊຽນ ຈະສ້າງກາລະໂອກາດເພື່ອໃຫ້ ຕີມໍຕາເວັນອອກ ເຂົ້າຮ່ວມບາງການເຄື່ອນໄຫວຂອງ ອາຊຽນ ກໍຄືສ້າງສາຄວາມສາມາດ ແລະ ຂັ້ນຕອນສົມທົບກັນໃນອາຊຽນຂອງ ຕີມໍຕາເວັນອອກ