ວັນທີ 19 ພະຈິກ, ທ່ານປະທານາທິບໍດີ ຕວກກີ Recep Tayyip Erdogan, ໃຫ້ຮູ້ວ່າ: ປະເທດນີ້ ບໍ່ອະນຸຍາດໃຫ້ ທ່ານປະທານາທິບໍດີ ອິດສະຣາແອນ Isaac Herzog ນຳໃຊ້ເຂດນ່ານຟ້າຂອງປະເທດນີ້ເພື່ອໄປເຂົ້າຮ່ວມກອງປະຊຸມບັນດາຝ່າຍເຂົ້າຮ່ວມສົນທິສັນຍາແມ່ຂອງ ສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ COP29 ພວມດຳເນີນຢູ່ ນະຄອນຫລວງ Baku ປະເທດ ໄອແຊກໄບຢານ.

ທ່ານປະທານາທິບໍດີ ຕວກກີ Recep Tayyip Erdogan ຍົກອອກຄຳຖະແຫລງດັ່ງກ່າວຕໍ່ກັບສື່ມວນຊົນເມື່ອເຂົ້າຮ່ວມກອງປະຊຸມສຸດຍອດກຸ່ມບັນດາພື້ນຖານເສດຖະກິດຫາກໍ່ພົ້ນເດັ່ນຂຶ້ນ ແລະ ແຖວຫນ້າໂລກ G20 ຢູ່ Rio de Janeiro ປະເທດ ບຣາຊິນ. ການກະທຳດັ່ງກ່າວສະແດງໃຫ້ເຫັນວ່າ ຕວກກີ ສືບຕໍ່ຮັກສາຫລັກໝັ້ນແຂງກະດ້າງຕໍ່ກັບ ອິດສະຣາແອນ ໃນຂະນະທີ່ສະພາບຄວາມເຄັ່ງຕຶງພວມເພີ່ມຂຶ້ນຢູ່ເຂດນີ້.

ກ່ອນຫນ້ານັ້ນ, ທ່ານປະທານາທິບໍດີ ຕວກກີ Recep Tayyip Erdogan ກໍ່ໄດ້ຕຳຫນິຕິຕຽນເປັນຫລາຍຄັ້ງຕໍ່ເລື່ອງລັດຖະບານ ອິດສະຣາແອນ ແກ່ຍາວການປະທະກັນຢູ່ເຂດ ກາຊາ ແລະ ເປີດກວ້າງການປະທະກັນໄປຍັງ ລີບັງ.