ກ່າວຄຳເຫັນທີ່ຖະແຫຼງຂ່າວຮ່ວມ, ພາຍຫຼັງການເຈລະຈາກັບການນຳຢູແກຼນ ຢູ່ ອິດສະຕາບູນ, ທ່ານປະທານາທິບໍດີ Erdogan ໃຫ້ຮູ້ວ່າ, 2 ປະເທດຕັດສິນໃຈນຳການພົວພັນຍຸດທະສາດ 2 ຝ່າຍໃຫ້ຂຶ້ນສູ່ລະດັບສູງໃໝ່. ຕາມທ່ານ Erdogan ແລ້ວ, ຕວກກີ ແລະ ຢູແກຼນ ໄດ້ເຫັນດີນຳກັນຈະຍົກອອກບາງຂໍ້ລະອຽດກ່ຽວກັບສັນຍາການຄ້າເສລີ 2 ຝ່າຍໃນທ້າຍປີ 2018, ວາງອອກຄາດໝາຍນຳວົງເງິນການຄ້າ 2 ສົ້ນໃຫ້ຂຶ້ນເຖິງ 10 ຕື້ USD. ສ່ວນທ່ານປະທານາທິບໍດີ Poroshenko ສະແດງຄວາມຫວັງວ່າ, ຢູແກຼນ ແລະ ຕວກກີ ຈະລົງນາມໃນສັນຍາການຄ້າເສລີ ໃນໄລຍະໄວສຸດເທົ່າທີ່ຄວນ. ຕາມທ່ານ Poroshenko ແລ້ວ, ທັງ 2 ປະເທດລ້ວນແຕ່ປາດຖະໜາຢາກຊຸກຍູ້ການພົວພັນດ້ານການຄ້າ ແລະ ດຶງດູດການລົງທຶນ.