ຕວກກີ ອາດຈະຈັດຕັ້ງການລົງປະຊາມະຕິກ່ຽວກັບຖານະເປັນສະມາຊິກອີຢູ
(vovworld) – ວັນທີ 17/4, ທ່ານປະທານາທິບໍດີ ຕວກກີ Recep Tayyip Erdogan ໄດ້ຖະແຫຼງວ່າ: ປະເທດນີ້ອາດຈະຈັດຕັ້ງການລົງປະຊາມະຕິປະຊາຊົນກ່ຽວກັບການເຈລະຈາເຂົ້າເປັນສະມາຊິກ ອີຢູ ທີ່ເຄີຍຖືກໂຈະໄວ້ແຕ່ດົນນານມາແລ້ວ. ຖະແຫຼງການດັ່ງກ່າວໄດ້ຍົກອອກມາພາຍຫຼັງປະຊາຊົນ ຕວກກີ ໄດ້ຮັບຮູ້ເລື່ອງເປີດກ້ວາງສິດອຳນາດໃຫ້ແກ່ປະທານາທິບໍດີ ໃນການລົງປະຊາມະຕິຫວ່າງມໍ່ໆມານີ້.
ໃນຂະນະນັ້ນ, ເມື່ອກ່າວຄຳເຫັນພາຍຫຼັງມີໝາກຜົນຂອງການລົງປະຊາມະຕິຢູ່ ຕວກກີ, ທ່ານນາຍົກລັດຖະມົນຕີ ໂອຕຣິດ Christian Kern ໄດ້ຢັ້ງຢືນວ່າ ແງ່ຫວັງກ່ຽວກັບເລືຶ່ອງ ຕວກກີ ກາຍເປັນສະມາຊິກຂອງສະຫະພາບ ເອີລົບ (ອີຢູ) ໄດ້ຖືກສູນເສຍໄປ. ທັດສະນະຂອງນາຍົກລັດຖະມົນຕີ ໂອຕຣິດ ກໍ່ຄືກັນກັບການນຳຫຼາຍທ່ານຂອງເອີລົບ, ນັ້ນແມ່ນຄັດຄ້ານການຟື້ນຟູການຕັດສິນລົງໂທດ ປະຫານຊີວິດຢູ່ ຕວກກີ.