(vovworld) - ວັນທີ 17/12, ເຈົ້າໜ້າທີ່ຕວກກີ ໄດ້ຈັບຕົວ 7 ເປົ້າໝາຍ ແລະ ຊອກຈັບ 5 ເປົ້າໝາຍອື່ນທີ່ກ່ຽວຂ້ອງເຖິງເຫດວາລະເບີດໃນວັນດຽວກັນ ແນໃສ່ລົດເມຂົນສົ່ງພົນທະຫານ, ເຮັດໃຫ້ 13 ຄົນເສຍຊີວິດ ແລະ 56 ຄົນຖືກຮັບບາດເຈັບ. ກ່າວຄຳເຫັນທີ່ການປະຊຸມຂ່າວຢູ່ນະຄອນຫຼວງ ອາກາຣາ, ລັດຖະມົນຕີກະຊວງພາຍໃນຕວກກີ ໃຫ້ຮູ້ວ່າ, ໃນຈຳນວນບັນດາຜູ້ຮັບບາດເຈັບ ມີພົນທະຫານ 48 ຄົນ ແລະ ຫຼາຍຄົນຖືກຮັບບາດເຈັບໜັກ. ກ່ອນໜ້ານັ້ນ, ທ່ານປະທານາທິບໍດີ Tayyip Erdogan ຖືວ່າ, ບັນດາມືປືນຂຶ້ນກັບພັກແຮງງານຊາວ Kurf (PKK) ແມ່ນຕົວການດຳເນີນບັນດາເຫດວາງລະເບີດແນໃສ່ລົດເມດັ່ງກ່າວ. ລົດເມທີ່ຂົນສົ່ງພົນທະຫານຖືກລະເບີດຂຶ້ນຢູ່ມໍ່ກັບມະຫາວິທະຍາໄລແຫ່ງໜຶ່ງໃນນະຄອນ Kayseri, ເມື່ອແລ່ນຜ່ານລົດໂອໂຕຄັນໜຶ່ງເຊິ່ງໄດ້ຮັບຖືວ່າ ມີວັດຖຸລະເບີດໃນລົດ.