ທ່ານປະທານາທິບໍດີ ຕວກກີ Tayip Erdogan
(ພາບ: EPA/TTXVN)
(vovworld) - ຕວກກີ ອາດຈະຈັດຕັ້ງການເອົາປະຊາມະຕິໃນປີ 2017 ກ່ຽວກັບເລື່ອງປະເທດນີ້ ຈະສືບຕໍ່ບັນດາການເຈລະຈາກ່ຽວກັບການເຂົ້າເປັນສະມາຊິກສະຫະພາບ ເອີລົບ (ອີຢູ) ຫຼືບໍ. ກ່າວຄຳເຫັນໃນຊ່ອງໂທລະພາບວັນທີ 14/11, ທ່ານປະທານາທິບໍດີ ຕວກກີ Tayip Erdogan ຕຳໜິຕິຕຽນເລື່ອງ ທ່ານ Martin Schulz ປະທານລັດຖະສະພາ ເອີລົບ (EP) ອາດຈະລົງໂທດ Ankara ທີ່ກ່ຽວຂ້ອງເຖິງເລື່ອງຈັບຕົວບັນດານັກການເມືອງ ແລະ ນັກຂ່າວ ເຊິ່ງ ຕວກກີ ກ່າວຫາວ່າມີສ່ວນກ່ຽວຂ້ອງເຖິງການກໍ່ການຮ້າຍ. ທ່ານ Erdogan ໄດ້ຄັດສະເໜີບັນດາຄຳຮຽກຮ້ອງຈາກບາງປະເທດເປັນສະມາຊິກ ອີຢູ ກ່ຽວກັບເລື່ອງຢຸດຕິບັນດາການເຈລະຈາເຂົ້າເປັນສະມາຊິກສະຫະພາບນີ້ ສຳລັບ ຕວກກີ, ພ້ອມທັງ ຊີ້ແຈ້ງວ່າ Ankara ຈະລໍຖ້າຮອດທ້າຍປີນີ້, ຫລັງຈາກນັ້ນ ຈະຍົກບັນຫານີ້ອອກເພື່ອເອົາປະຊາມະຕິ. ນອກນັ້ນ ການນຳປະເທດນີ້ ກໍ່ຢືນຢັນວ່າ ຈະໃຫ້ສັດຕະຍາບັນ ຖ້າສະພາແຫ່ງຊາດປະເທດນີ້ ຮັບຮອງເອົາກົດໝາຍສະບັບໜຶ່ງ ກ່ຽວກັບເລື່ອງຟື້ນຟູຮູບການປະຫານຊີວິດ.