ຕວກກີຍິງປືນໃຫຍ່ໃສ່ISແລະກຳລັງຊາວKurdຢູ່ພາກເໜືອຊີຣີ
(ພາບປະກອບ)
(vovworld) – ວັນທີ 22/08, ກອງທັບ ຕວກກີ ເລີ່ມຕົ້ນຍິງປືນໃຫຍ່ໃສ່ບັນດາເປົ້າໝາຍຂອງອົງການລັດອິດສະລາມ (IS) ອ້າງຊື່ເອງ ແລະ ກຳລັງທະຫານລາດປ້ອງກັນຕົວຊາວ Kurd “ພັກສຳພັນທະມິດປະຊາທິປະໄຕ” (PYD) ຢູ່ພາກເໜືອ ຊີຣີ. ແລະກໍ່ໃນວັນດຽວກັນ ທ່ານນາຍົກລັດຖະມົນຕີ ຕວກກີ Binali Yildirin ໄດ້ກະຕຸກຊຸກຍູ້ບັນດາປະເທດມະຫາອຳນາດ ໃນນັ້ນ ມີ ອີຣານ, ລັດເຊຍ ແລະ ອາເມລິກາ ສົມທົບກັນ ເພື່ອເປີດ “ໜ້າໃໝ່” ໃນວິກິດການ ຊີຣີ ຢ່າງວ່ອງໄວ. ເມື່ອຕອບສຳພາດຕໍ່ວົງການນັກຂ່າວ ພາຍຫລັງກອງປະຊຸມຄະນະລັດຖະບານ, ທ່ານນາຍົກລັດຖະມົນຕີ Yildirin ຊີ້ແຈ້ງວ່າ: “ສິ່ງສຳຄັນທີ່ສຸດ ແມ່ນຕ້ອງເປີດໜ້າໃໝ່ຢູ່ ຊີຣີ ຢ່າງວ່ອງໄວ, ໂດຍອີງຕາມຮູບແບບທີ່ມີການເຂົ້າຮ່ວມຂອງ ຕວກກີ, ອີຣານ, ລັດເຊຍ, ອາເມລິກາ ແລະ ບາງປະເທດເຂດອ່າວ ແລະ ຊະອຸດິ ອາຣາເບຍ”. ແລະກໍ່ຕາມທ່ານ Yildirin, ບໍ່ວ່າໂຄງສ້າງພູມສາດຂອງຊາວ Kurd ໄດ້ສ້າງຕັ້ງຢູ່ພາກເໜືອ ຊີຣີ, ພາກໃຕ້ ຕວກກີ ຫຼືບໍ່ວ່າ ຂົງເຂດ ໃດໆອື່ນແມ່ນ “ບໍ່ສາມາດຍອມຮັບໄດ້ຢ່າງສິນເຊິງ”.