(vovworld) - ວັນທີ 29/07, ທ່ານປະທານາທິບໍດີຕວກກີ Tayyip Erdogan ໄດ້ອອກສຽງປະຕິເສດບັນດາຄຳຕຳໜິຕິຕຽນຂອງຝ່າຍຕາເວັນຕົກ ກ່ຽວກັບບັ້ນຮົບປາບປາມດ້ວຍຂະໜາດໃຫຍ່ ໂດຍອຳນາດການປົກຄອງຂອງປະເທດນີ້ດຳເນີນ ພາຍຫຼັງເຫດລັດຖະປະຫານດ້ານການທະຫານຖືກປະລາໄຊໃນວັນທີ 15/07 ຜ່ານມາ. ໃນບົດກ່າວປາໄສຂອງຕົນ, ທ່ານປະທານາທິບໍດີ Erdogan ເນັ້ນໜັກວ່າ, ແທນການຕຳໜິຕິຕຽນ, ບັນດາປະເທດຝ່າຍຕາເວັນຕົກນີ້ ຄວນສະແດງຄວາມເບີກບ່ານມ່ວນຊື່ນ ແລະ ຊົມເຊີຍຕໍ່ເລື່ອງອຳນາດການປົກຄອງຕວກກີ ໄດ້ມີບັນດາການກະທຳຢ່າງທັນການ ເພື່ອຕ້ານການລັດຖະປະຫານກ່ອນນີ້ 2 ອາທິດ. ທ່ານກໍຖະແຫຼງວ່າ, ຈຳນວນຜູ້ຖືກຈັບຕົວຈະເພີ່ມຂຶ້ນຖ້າຫາກອຳນາດການປົກຄອງ Ankara ພົບເຫັນຫຼາຍຄົນສະໜັບສະໜູນກົນອຸບາຍກໍ່ລັດຖະປະຫານນີ້.