(ພາບປະກອບ)
(vovworld) - ວັນທີ 14/12, ສະຫະພາບເອີລົບ (ອີຢູ) ແລະ ຕວກກີໄດ້ເຊື່ອມຕໍ່ການເຈລະຈາຕ່າງໆກ່ຽວກັບເລື່ອງປະເທດນີ້ເຂົ້າເປັນສະມາຊິກ ອີຢູ. ທີ່ການເຈລະຈາ, ອີຢູ ແລະ ຕວກກີປຶກສາຫາລືກ່ຽວກັບພາກທີ 17 ທີ່ກ່ຽວຂ້ອງເຖິງນະໂຍບາຍເສດຖະກິດ ແລະ ເງິນຕາ. ຕາມທ່ານກຳມະການເອີລົບ Hohannes Hahn ແລ້ວ, ນີ້ແມ່ນຈຸດເວລາທີ່ເໝາະສົມເພື່ອໃຫ້ 2 ຝ່າຍເຊື່ອມຕໍ່ການເຈລະຈາ. ກ່າວຄວາມເຫັນທີ່ການປະຊຸມຂ່າວກ່ອນນັ້ນ, ທ່ານລັດຖະມົນຕີວ່າການກະຊວງການຕ່າງປະເທດ Luxembourg Jean Asselborn, ປະເທດພວມເປັນປະທານຜັດປ່ຽນຂອງ ອີຢູໄດ້ຢືນຢັນວ່າ, ອີຢູຈຳເປັນຕ້ອງມີການພົວພັນຄູ່ຮ່ວມມືຍຸດທະສາດທີ່ກ່ຽວຂ້ອງເຖິງຫຼາຍບັນຫາສາກົນກັບ ຕວກກີ, ເຊັ່ນ: ການອົບພະຍົບ, ການຕ້ານກໍ່ການຮ້າຍ, ການຮັບປະກັນດ້ານພະລັງງານ, ເສດຖະກິດ, ການຄ້າ, ດິນຟ້າອາກາດ…ສ່ວນທ່ານລັດຖະມົນຕີວ່າການບັນດາບັນຫາເອີລົບ ແລະ ຫົວໜ້າຄະນະເຈລະຈາຂອງ Ankara, Volkan Bozkir, ກໍ່ຫວັງວ່າວິວັດທະນາການເຂົ້າເປັນສະມາຊິກ ອີຢູ ຂອງ Ankara ຈະດຳເນີນໄປຢ່າງ “ຕັ້ງໜ້າ ແລະ ໜ້າໄວ້ເນື້ອເຊື່ອໃຈ“ ແລະ ບັນດາໂຄງການສຳຄັນອື່ນໆສຳລັບຕວກກີກໍ່ຈະໄດ້ຮັບການເປີດອອກ.