ທ່ານນາງ ຫງວຽນທິກິມເງິນ ພົບປະກັບຜູ້ມີສິດເລືອກຕັ້ງ
(ພາບ: ສຳນັກຂ່າວສານ ຫວຽດນາມ)
(vovworld) – ຕອນເຊົ້າວັນທີ 6/8, ຢູ່ນະຄອນ ເກີນເທີ, ທ່ານນາງ ຫງວຽນທິກິມເງິນ, ກຳມະການກົມການເມືອງ, ປະທານສະພາແຫ່ງຊາດ ມີການເຮັດວຽກກັບການນຳຄະນະພັກນະຄອນ ເກີນເທີ ກ່ຽວກັບໝາກຜົນ 10 ປີແຫ່ງການປະຕິບັດມະຕິຂອງກົມການເມືອງກ່ຽວກັບການກໍ່ສ້າງ ແລະ ພັດທະນານະຄອນ ເກີນເທີ ໃນໄລຍະຫັນປະເທດເປັນປະເທດອຸດສາຫະກຳ, ທັນສະໄໝ. ທ່ານນາງ ຫງວຽນທິກິມເງິນ ຖືວ່າ: ໃນວິທີການຕີລາຄາ, ນະຄອນ ເກີນເທີຕ້ອງມີບັນດາການປຽບທຽບກ່ອນ ແລະ ຫຼັງການປະຕິບັດມະຕິເລກທີ 45 ມີບັນດາສິ່ງສະດວກ ແລະ ຄວາມຫຍຸ້ງຍາກໃດແດ່ ແລະ ໝາກຜົນຄືແນວໃດ. ການສົມທົບຂອງ ເກີນເທີ ກັບບັນດາຄະນະ, ຂະແໜງການທີ່ກ່ຽວຂ້ອງໃນໄລຍະຜ່ານມາໄດ້ດີພໍສົມຄວນ, ແຕ່ຕ້ອງເຮັດແຈ້ງຄວາມຮັບຜິດຊອບ, ໄຈ້ແຍກແຫຼ່ງກຳລັງ, ການໜູນຊ່ວຍຈາກສູນກາງລົງຮອດທ້ອງຖິ່ນເພື່ອອອກມາດຕະການປະຕິບັດ. ຄຽງຄູ່ກັນນັ້ນ, ເກີນເທີ ຕ້ອງກວດກາ, ປັບປຸງເພີ່ມເຕີມແຜນການ ພັດທະນາເສດຖະກິດ - ສັງຄົມໃຫ້ເໝາະສົມກັບບົດບາດໜ້າທີ່ເປັນນະຄອນ ໃຈກາງ, ປະຕິບັດການຮ່ວມສຳພັນຢ່າງແໜ້ນແຟ້ນ.