ຕ້ອງເພີ່ມລັກສະນະບັງຄັບສຳລັບການນຳໃຊ້ພະລັງງານແບບປະຢັດ
ກອງປະຊຸມສະຫລຸບ 5 ປີແຫ່ງການຜັນຂະຫຍາຍການປະຕິບັດ
ກົດໝາຍວ່າດ້ວຍການນຳໃຊ້ພະລັງງານແບບປະຢັດ ແລະ ມີປະສິດທິຜົນ
(ພາບ: TTXVN)
(vovworld) - ຕອນເຊົ້າວັນທີ 16/12 ກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ຈັດຕັ້ງກອງປະຊຸມສະຫລຸບ 5 ປີແຫ່ງການຜັນຂະຫຍາຍການປະຕິບັດກົດໝາຍວ່າດ້ວຍການນຳໃຊ້ພະລັງງານແບບປະຢັດ ແລະ ມີປະສິດທິຜົນ. ກ່າວຄຳເຫັນທີ່ກອງປະຊຸມ ທ່ານຮອງນາຍົກລັດຖະມົນຕີ ຈິ້ງດີງຢຸງ ໃຫ້ຂໍ້ສັງເກດວ່າ: ພາຍຫລັງ 5 ປີແຫ່ງການປະຕິບັດ ກົດໝາຍວ່າດ້ວຍການນຳໃຊ້ພະລັງງານແບບປະຢັດ ແລະ ມີປະສິດທິຜົນ, ບັນດາລະບົບເອກະສານນິຕິກຳແນະນຳ, ກຳນົດມາດຕະຖານຢ່າງຄົບຊຸດພໍສົມຄວນ, ຈາກນັ້ນ ຍົກອອກບັນດາໂຄງການດຳເນີນງານນັບມື້ນັບມີປະສິດທິຜົນກ່ວາ. ທ່ານຮອງນາຍົກລັດຖະມົນຕີ ຈິ້ງດີງຢຸງ ສະເໜີວ່າ
“ປະຕິບັດ ການປະຢັດພະລັງງານເປັນຢ່າງດີ ຈະຊ່ວຍຫລຸດຜ່ອນການນຳເຂົ້າພະລັງງານ, ສຸມໃສ່ເພີ່ມພະລັງງານຜະລິດຄືນໃໝ່, ຊ່ວຍຫລຸດຜ່ອນການປ່ອຍອາຍພິດເຮືອນແກ້ວ. ຫວຽດນາມ ກໍ່ໄດ້ໃຫ້ຄຳໝັ້ນສັນຍາຢ່າງແຮງກ່ຽວກັບການຫລຸດຜ່ອນການປ່ອຍອາຍພິດເຮືອນແກ້ວ, ນີ້ກໍ່ແມ່ນຄວາມກົດດັນ ແລະ ສິ່ງທ້າທາຍຕໍ່ ຫວຽດນາມ. ຂ້າພະເຈົ້າສະເໜີກະຊວງອຸດສາຫະກຳ - ການຄ້າ ແລະ ບັນດາທ້ອງຖິ່ນສືບຕໍ່ກວດກາ, ປັບປຸງເພີ່ມເຕີ່ມເນື້ອໃນກົດໝາຍຕື່ມອີກ, ກໍ່ຄືບັນດາເອກະສານນິຕິກຳລຸ່ມກົດໝາຍ. ສືບຕໍ່ດັດປັບຕາມທິດສຸມໃສ່ຄວາມຮັບຜິດຊອບຄຸ້ມຄອງ, ຕິດຕາມກວດກາ. ສຳລັບບຸກຄົນທີ່ນຳໃຊ້ພະລັງງານຕ້ອງເພີ່ມລັກສະນະບັງຄັບປະຕິບັດຕາມຂໍ້ກຳນົດກົດໝາຍ”