ຕ້ອນຮັບບຸນເຕັດຫວຽດ ນາມຢູ່ສຳນັກງານ ປົກຄອງປາຣີ
Thùy Vân -
(ພາບ: xaluan.com)
(vovworld)- ຕອນຄ່ຳວັນທີ 4/2, ກົງກັບວັນທີ 5 ເດືອນຈຽງໄລ່ຕາມຈັນທະປະຕິທິນຫວຽດນາມ, ເປັນຄັ້ງທຳອິດທີ່ປະເພນີຕ້ອນຮັບບຸນເຕັດ ແລະ ການສະແດງສິລະປະພິເສດສະເພາະຂອງຫວຽດນາມ ໄດ້ແນະນຳກັບແຂກຖືກເຊີນ 1000 ຄົນທີ່ມີໜ້າຢູ່ສຳນັກງານປົກຄອງປາຣີ ປະເທດຝະລັ່ງ. ກ່າວຄຳເຫັນນະທີ່ນີ້, ທ່ານ Bertrand Delanoe ເຈົ້າຄອງນະຄອນປາຣີ ເວົ້າວ່າ:
“ຂ້າພະເຈົ້າຕີລາຄາສູງປະຊາຄົມຊາວຫວຽດນາມ ອາໄສຢູ່ປາຣີ. ປຊຊ ປາຣີ ຕີລາຄາສູງເລື່ອງພວກເພື່ອນໄດ້ອ່ວຍໜ້າເມືອຫາບັນພະບູລຸດ, ບ້ານເກີດເມືອງນອນ, ຮັກສາມູນເຊື້ອ ແລະ ເຈືອຈານເຂົ້າກັບຊີວິດຢູ່ປາຣີ ເປັນຢ່າງດີ ແລະ ປະກອບສ່ວນເຂົ້າໃນການພັດທະນາລວມຂອງນະຄອນ. ປີພົວພັນແລກປ່ຽນຫວຽດນາມ-ຝະລັ່ງ 2013-2014 ແມ່ນໂອກາດທີ່ດີເພື່ອໃຫ້ພວກເຮົາຊຸກຍູ້ການຮ່ວມມື“.
ນາງຮົ່ງແອງ ສະມາຊິກຄະນະບໍລິຫານງານສະມາຄົມຊາວຫວຽດນາມ ອາໄສຢູ່ຝະລັ່ງ ແບ່ງປັນວ່າ:
“ນີ້ແມ່ນຄັ້ງທຳອິດທີ່ບຸນເຕັດຫວຽດນາມ ຖືກຈັດຂຶ້ນຢູ່ທີ່ນີ້, ນີ້ແມ່ນຄວາມເອກອ້າງທະນົງໃຈຂອງປາຊາຄົມຊາວຫວຽດນາມ ອາໄສຢູ່ຝະລັ່ງ. ເມື່ອເຂົ້າຮ່ວມ ແລະ ນຸ່ງຊຸດເສື້ອຍາວອັນເປັນປະເພນີຂອງຫວຽດນາມ, ຂ້າພະເຈົ້າມີຄວາມເອກອ້າງທະນົງໃຈທີ່ສຸດ“.
ກ່າວຄຳເຫັນນະທີ່ນີ້, ທ່ານເຢືອງຈິຢູ້ງ, ເອກອັກຄະລັດຖະທູດຫວຽດນາມ ປະຈຳຝະລັ່ງ ເນັ້ນໜັກວ່າ: ກ້າວເຂົ້າສູ່ປີ 2014, ສອງປະເທດລໍຄອຍການຢ້ຽມຢາມຫວຽດນາມ ຂອງປະທານາທິບໍດີຝະລັ່ງ ກໍ່ຄືເລື່ອງສອງປະເທດຜັນຂະຫຍາຍຂໍ້ຕົກລົງສ້າງຕັ້ງການພົວພັນຄູ່ຮ່ວມມືຍຸດທະສາດທີ່ຫາກໍ່ລົງນາມ. ໃນປີນີ້, ຢູ່ຝະລັ່ງ, ຍັງຈະຈັດບັນດາການເຄື່ອນໄຫວໂຄສະນະພາບພົດປະເທດຫວຽດນາມ ທີ່ມີມູນເຊື້ອ ແລະ ສີສັນວັດທະນະທຳ, ພວກເຊື່ອມໂຍງເຂົ້າກັບໂລກຢ່າງແຮງຕໍ່ເພື່ອນມິດຝະລັ່ງ ແລະ ໂລກ./.
Thùy Vân