ຕ້ອນຮັບຜະລິດຕະພັນທ່ອງທ່ຽວໃໝ່ຂອງພາກກາງປີ 2015
(ພາບປະກອບ)
(vovworld) – 3 ແຂວງ, ນະຄອນຄື: ເທື່ອທຽນເຫ໋ວ, ດ່ານັ້ງ, ກວາງນາມ ຫາກໍ່ຈັດຕັ້ງລາຍການໂຄສະນາການທ່ອງທ່ຽວຢ່າງຮ່າໂນ້ຍ, ດ້ວຍຫົວຂໍ້ວ່າ “ເທື່ອທຽນເຫ໋ວ - ດ່ານັ້ງ - ກວາງນາມ, ແດນສະຫວັນຂອງທະເລ, ໝູ່ເກາະ ແລະ ມໍລະດົກໂລກ”. ນີ້ແມ່ນລາຍການເປີດສາກໃຫ້ແກ່ບັນດາການເຄື່ອນໄຫວໂຄສະນາສົ່ງເສີມການຮ່ວມສຳພັນລະຫວ່າງ 3 ທ້ອງຖິ່ນແນໃສ່ເພີ່ມທະວີແຫຼ່ງກຳລັງ ແລະ ປະສິດທິຜົນການໂຄສະນາ, ສົ່ງເສີມການທ່ອງທ່ຽວ. ປີ 2015, ມີບັນດາຜະລິດຕະພັນຂຸດຄົ້ນທ່າແຮງດ້ານການທ່ອງທ່ຽວຂອງທ້ອງຖິ່ນ, ໃນນັ້ນ, ດ່ານັ້ງ ສຸມໃສ່ເຂົ້າໃນບັນດາການບໍລິການບັນທິງ, ເຫ໋ວ ຂຸດຄົ້ນຄວາມງາມຂອງພາລາດຊະວັງທີ່ເປັນມູນເຊື້ອ ແລະ ແຂວງກວາງນາມ ແຂວງຍູ້ແຮງການທ່ອງທ່ຽວຊີວະພາບ, ປະຊາຄົມ. ທ່ານ ດິງຮ່າຍ, ຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວແຂວງກວາງນາມ ໃຫ້ຮູ້ວ່າ.
“ປີ 2015 ແມ່ນປີພິເສດ, ສະເຫຼີມສະຫຼອງ 40 ປີແຫ່ງວັນໂຮມປະເທດຊາດເປັນເອກະພາບ, ກວາງນາມ ໄດ້ໂຄສະນາບັນດາລາຍການທ່ອງທ່ຽວໃໝ່ຄື ຢ້ຽມຢາມທາງໂຮ່ຈິມິນ, ອານຸສາວະລີແມ່ຫວຽດນາມ ວິລະຊົນ ແລະ ຖານທີ່ໝັ້ນປະຕິວັດພາກກາງ. 3 ຜະລິດຕະພັນທ່ອງທ່ຽວດັ່ງກ່າວ ຈະແມ່ນຜະລິດຕະພັນຈຸດສຸມຂອງປີທ່ອງທ່ຽວ 2015 ຂອງກວາງນາມ. ໃນປີ 2015 ລາຍການທ່ອງທ່ຽວທະເລ, ໝູ່ເກາະກໍ່ແມ່ນສິ່ງທີ່ພວກຂ້າພະເຈົ້າເອົາໃຈໃສ່ຊຸກຍູ້ ແລະ ພັດທະນາ.”