(vovworld) – ໃນບັນຍາກາດໃກ້ຈະຮອດບຸນເຕັດ ປີມະເມຍ 2014, ປະຊາຊົນຢູ່ນະຄອນເຂດຊາຍແດນ ລາວກາຍ ພວມມີຄວາມເບີກບານມ່ວນຊື່ນກະກຽມຕ້ອນຮັບບຸນເຕັດ. ເມື່ອຍ່າງທ່ຽວເລາະຊົມຕະຫຼາດທີ່ຍາວກ່ວາ 1 ກມ ຢູ່ໃຈກາງນະຄອນ, ດ້ວຍຮ້ານໃຫຍ່, ນ້ອຍນັບຮ້ອຍຮ້ານ ແລະ ດອກໄມ້, ຕົ້ນໄມ້ປະດັບຈາກທຸກແທບຖີ່ນໄດ້ນຳມາວາງຂາຍຢູ່ແຫ່ງນີ້, ຜູ້ຄົນທັງຫຼາຍອາດເຫັນໄດ້ບັນຍາກາດຕ້ອນຮັບບຸນເຕັດທີ່ຟົດຟື້ນມ່ວນຊື່ນຢູ່ເຂດພູດອຍແຫ່ງນີ້. ທ່ານ ຟ້າມກີ່, ຊາວ ລາວກາຍຄົນໜຶ່ງ ໃຫ້ຮູ້ວ່າ:
“ປີນີ້, ບັນຍາກາດຕ້ອນຮັບບຸນເຕັດຂອງພໍ່ແມ່ພີ່ນ້ອງຟົດຟື້ນຫຼາຍ, ຈາກເຂດພູສູງຕະຫຼອດຮອດນະຄອນກໍ່ເບີກບານມ່ວນຊື່ນ. ຕະຫຼາດດອກໄມ້ຢູ່ ລາວກາຍ ໄດ້ເຄື່ອນໄຫວມາເປັນເວລາຫຼາຍປີແລ້ວ ແຕ່ປີນີ້ຕະຫຼາດດອກໄມ້ຍິ່ງຟົດຟື້ນມ່ວນຊື່ນກ່ວາ, ບັນດາແຂວງໃນທົ່ວປະເທດກໍ່ໄດ້ສົ່ງສິນຄ້າເຖິງແຫ່ງນີ້ ແລະ ຮູ້ສຶກກຳລັງຊື້ຂອງພໍ່ແມ່ພີ່ນ້ອງແມ່ນດີພໍສົມຄວນ.”