ຕະຫຼາດນະຄອນEmmenແລະນະຄອນHoogeveen(ໂຮນລັງ) ຊອກຮູ້ການລົງທືນຢູ່ແຂວງບີ່ງເຢືອງ
ການນຳແຂວງ ບີ່ງເຢືອງ ພ້ອມກັບ
ທ່ານ Cees Bijl ແລະ ທ່ານ Karel Loohuis
(ພາບ: vietnam+)
(vovworld)- ໃນວັນທີ 9 ມີນາ, ທ່ານ Cees Bijl, ເຈົ້າຄອງນະຄອນ Emmen ແລະ ທ່ານ Karel Loohuis ເຈົ້າຄອງນະຄອນ Hoogeveen ພ້ອມຄະນະປະຕິບັດງານ ລວມມີບັນດາ ເຈົ້າໜ້າທີ່ ແລະ ບັນດາວິສາຫະກິດ ຂອງສອງທ້ອງຖີ່ນ ໄດ້ມີການເຮັດວຽກ ກັບການນຳແຂວງບີ່ງເຢືອງ ເພື່ອຊອກຮູ້ການຮ່ວມມືລົງທຶນ. ທ່ານ ເຈີ່ນແທ່ງລຽມ, ປະທານຄະນະກຳມະການປະຊາຊົນແຂວງ, ໃຫ້ຮູ້ວ່າ: ປັດຈຸບັນ ໂຮນລັງ ມີກ່ວາ 40 ໂຄງການລົງທຶນ ຢູ່ ແຂວງບີ່ງເຢືອງ ດ້ວຍມູນຄ່າຫຼາຍກ່ວາ 700 ລ້ານໂດລາສະຫາລັດ. ການນຳແຂວງຢາມໃດກໍເອົາໃຈໃສ່ສ້າງເງື່ອນໄຂສະດວກ ເພື່ອໃຫ້ບັນດານັກລົງທຶນເຄື່ອນໄຫວ ນັບແຕ່ເວລາດຳເນີນກໍ່ສ້າງ ຕະຫຼອດຮອດວິວັດການພັດທະນາການຜະລິດດຳເນີນ. ບັນດາວິສາຫະກິດໃນບໍລິເວນແຂວງໄດ້ເຄື່ອນໄຫວມີປະສິດທິຜົນປະກອບສ່ວນພັດທະນາເສດຖະກິດສັງຄົມ.
ໂດຍຕາງໜ້າຄະນະປະຕິບັດງານໂຮນລັງ, ທ່ານ Karel Loohuis, ເຈົ້າຄອງນະຄອນ Hoogeveen ໃຫ້ຮູ້ວ່າ: ໃນການມາຢ້ຽມຢາມ ແຂວງບີ່ງເຢືອງ ໃນຄັ້ງນີ້, ບັນດາວິສາຫະກິດຂອງນະຄອນ ທີ່ຮ່ວມເດີນທາງພ້ອມກັບຄະນະ ລວມມີວິສາຫະກິດໃຫຍ່ ຜະລິດດຳເນີນທຸລະກິດຄ້າຂາຍຜະລິດຕະພັນກະເສດ… ສອງຝ່າຍເຊື່ອໝັນວ່າໃນໄລຍະທີ່ຈະມາເຖິງ, ການຮ່ວມມືລົງທຶນ ລະຫວ່າງ ສອງທ້ອງຖີ່ນ ແລະ ບັນດາວິສາຫະກິດ ຂອງສອງຝ່າຍຈະພັດທະນາໄວກ່ວາເກົ່າອີກ, ຍິ່ງ ກ່ວານັ້ນ ແມ່ນໃນບັນດາຂົງເຂດທີ່ບັນດາທ້ອງຖີ່ນມີທ່າແຮງ. ການນຳບັນດາທ້ອງຖີ່ນ ກໍ່ຍັງໃຫ້ຄຳໝັນສັນຍາວ່າຈະຊ່ວຍໜູນ ວິສາຫະກິດສອງຝ່າຍຮ່ວມມືໃນອະນາຄົດ.