.jpg)
(ຕາຕະລາງພາສີນຳເຂົ້າເມື່ອປະຕິບັດ
ສັນຍາຄູ່ຮ່ວມມືເສດຖະກິດຫວຽດນາມ-ຍີ່ປຸ່ນ)
(vovworld) - ຕາຕະລາງພາສີນຳເຂົ້າພິເສດໃຫ້ວິສາຫະກິດເມື່ອປະຕິບັດສັນຍາຄູ່ຮ່ວມມືເສດຖະກິດຫວຽດນາມ-ຍີ່ປຸ່ນ, ແມ່ນຫົວຂໍ້ຂອງການເຈລະຈາ ໂດຍສະຫະສະມາຄົມວິສາຫະກິດຂະໜາດນ້ອຍ ແລະ ກາງຫວຽດນາມ ຈັດຕັ້ງຢູ່ຮ່າໂນ້ຍ, ໃນວັນທີ 21/7. ຕາມສັນຍາດັ່ງກ່າວແລ້ວ, ບັນດາຜະລິດຕະພັນຂອງຫວຽດນາມ ທີ່ໄດ້ຊົມໃຊ້ອັດຕາພາສີພິເສດຫຼາຍສຸດຂອງຍີ່ປຸ່ນ ແມ່ນຜະລິດຕະພັນກະເສດ, ສິນໃນນຳ້ ແລະ ເຄື່ອງຕຳແຜ່ນຕັດຫຍິບ. ໂດຍລະອຽດແມ່ນພາສີສະເລ່ຍສຳລັບສິນຄ້ານຳເຂົ້າຈາກຍີ່ປຸ່ນຈະຫຼຸດລົງຈາກ 6,1% ໃນປີ 2015 ລົງເຫຼືອພຽງ 3,7% ໃນປີ 2018. ທ່ານ ເຈິ່ນດິ່ງທຽນ, ຫົວໜ້າສະຖາບັນເສດຖະກິດຫວຽດນາມ, ຖືວ່າ:
“ວິສາຫະກິດຕ້ອງປ່ຽນແປງວິໄສທັດ ແລະ ຈີນຕະນາການໂດຍພື້ນຖານ, ນັ້ນແມ່ນພວກເຮົາພວມເຊື່ອມໂຍງເຂົ້າໂລກ, ເຊິ່ງໃນນັ້ນຮຽກຮ້ອງຕ້ອງມີຄຸນນະພາບສູງສຸດ. ຍ້ອນເຫດນັ້ນ, ວິສາຫະກິດຄວນກຳນົດທິດເຕັກໂນໂລຢີ ເພື່ອກຳນົດທິດບັນດາຜະລິດຕະພັນພິເສດຂອງຕົນ ແລະ ມຸງໄປສູ່ຜະລິດຕະພັນທີ່ນຳໃຊ້ເຕັກໂນໂລຢີສູງ“.
ທີ່ການເຈລະຈາບັນດາຜູ້ແທນກໍ່ຖືວ່າ, ເພື່ອນຳໃຊ້ກາລະໂອກາດຈາກສັນຍານີ້, ບັນດາວິສາຫະກິດພາຍໃນປະເທດຕ້ອງມີຍຸດທະສາດສຳຜັດຕະຫຼາດໃນໄລຍະຍາວ, ເພີ່ມທະວີການຮັບເອົາຂໍ້ມູນກ່ຽວກັບວິສາຫະກິດຍີ່ປຸ່ນ, ພ້ອມທັງຊຸກຍູ້ວຽກງານສຳຫຼວດຕະຫຼາດ, ຊອກຮູ້ຄວາມຕ້ອງການ, ປະເພນີ, ວັດທະນະທຳໃນການດຳເນີນທຸລະກິດຂອງຊາວຈີນ.