ຕ້ານການສໍ້ຫຼາດບັງຫຼວງແມ່ນວິວັດການທີ່ຍາວນານ,ຄວນມີການຕັດສິນໃຈສູງ
ທ່ານຮອງນາຍົກລັດຖະມົນຕີ ຫງວຽນຊວນຟຸກ
(ພາບ: TTXVN)
(vovworld) - ເມື່ອເຂົ້າຮ່ວມກອງປະຊຸມສະຫຼຸບ 10 ປີ ແຫ່ງການປະຕິບັດກົດໝາຍວ່າດ້ວຍການປ້ອງກັນ, ຕ້ານການສໍ້ຫຼາດບັງຫຼວງ ໄດ້ດຳເນີນໃນຕອນເຊົ້າວັນທີ 24/12 ຢູ່ນະຄອນໂຮ່ຈີມິນ, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ຫົວໜ້າຄະນະຊີ້ນຳສູນກາງ ຢັ້ງຢືນວ່າ: ເຖິງວ່າບັນລຸໄດ້ບາງໝາກຜົນໃດໜຶ່ງໃນວຽກງານປະຕິບັດກົດໝາຍວ່າດ້ວຍການປ້ອງກັນ, ຕ້ານການສໍ້ຫຼາດບັງຫຼວງ ຂອງນະຄອນ ກໍ່ຕາມ, ແຕ່ສະພາບການສໍ້ຫຼາດບັງຫຼວງຍັງຄົງເກີດຂຶ້ນດ້ວຍຫຼາຍປະກົດການຢ່າງແຍບຍົນ, ການເກັບຄືນຊັບສົມບັດຈາກການສໍ້ຫຼາດບັງຫຼວງຍັງມີໜ້ອຍ. ທ່ານຮອງນາຍົກລັດຖະມົນຕີ ຮຽກຮ້ອງ ຄວນມີການຊີ້ນຳຢ່າງຂ້ຽວຂາດກວ່າອີກໃນໄລຍະຈະມາເຖິງ.
“ ພວກເຮົາຕ້ອງມີຄວາມຂະຫຍັນຂັນເຄື່ອນ, ມີຫົວຄິດປະດິດສ້າງ ແລະ ມີຄວາມຕັດສິນໃຈ ດ້ວຍບັນດາມາດຕະການຄົບຊຸດ ເພື່ອພັດທະນານະຄອນ, ໃນນັ້ນມີໜ້າທີ່ປ້ອງກັນ, ຕ້ານການສໍ້ຫຼາດບັງຫຼວງ, ການປັບປຸງລະບົບນະໂຍບາຍຢູ່ທ້ອງຖິ່ນໃຫ້ສົມບູນແບບ. ພິເສດແມ່ນເພີ່ມທະວີວຽກງານການຊີ້ນຳໃນການປ້ອງກັນ, ຕ້ານການສໍ້ຫຼາດບັງຫຼວງກວ່າອີກ, ເພື່ອຮັບໃຊ້ໃຫ້ແກ່ໜ້າທີ່ພັດທະນາເສດຖະກິດ - ສັງຄົມ, ການກໍ່ສ້າງພັກ, ກໍ່ສ້າງຖັນແຖວພະນັກງານຢູ່ທ້ອງຖິ່ນ. ຂ້າພະເຈົ້າສະເໜີ ນະຄອນໂຮ່ຈີມິນ ສ້າງບົດສະຫຼຸບລາຍງານ 10 ປີ ກ່ຽວກັບວຽກງານການປ້ອງກັນ, ຕ້ານການສໍ້ຫຼາດບັງຫຼວງໃຫ້ສົມບູນແບບ, ສືບຕໍ່ປະກອບສ່ວນສະເໜີຢ່າງລະອຽດຕໍ່ສູນກາງ ກ່ຽວກັບບັນດາກົນໄກນະໂຍບາຍ ເພື່ອປະຕິບັດວຽກງານຕໍ່ສູ້ປ້ອງກັນ, ຕ້ານການສໍ້ຫຼາດບັງຫຼວງໃຫ້ດີກວ່າ ແລະ ມີປະສິດທະຜົນກວ່າ, ກ່ອນອື່ນໝົດແມ່ນຕ້ອງປັບປຸງ ກົດໝາຍວ່າດ້ວຍການປ້ອງກັນ, ຕ້ານການສໍ້ຫຼາດບັງຫຼວງໃນໄລຍະຈະມາເຖິງ ”