ຕຳຫຼວດທະເລ ແລະອົງການກວດກາ ການຫາປາຫວຽດ ນາມຮຽງບ່າຮຽງໄລ່ ພ້ອມກັບຊາວປະມົງ ອອກສູ່ທະເລ
ຊາວປະມົງດ່ານັງອອກສູ່ທະເລ
(ພາບ: baomoi.com)
(vovworld)- ທ່ານຮ້ອຍເອກຫງວຽນວັນຮຶງ, ກັບຕັນກຳປັ່ນຕຳຫຼວດທະເລ CBS-8003 ໄດ້ຢືນຢັນວ່າ: ປົກປ້ອງຊາວປະມົງໃນການຫາສິນທະເລໃນເຂດທະເລຂອງຫວຽດນາມ ແມ່ນໜ້າທີ່ລວມຂອງກຳລັງຕຳຫຼວດທະເລ ແລະ ອົງການກວດກາການຫາປາ. ຕາມທ່ານກັບຕັນຫງວຽນວັນຮຶງແລ້ວ, ໃນໄລຍະຜ່ານມາ, ຕຳຫຼວດທະເລຫວຽດນາມ ໄດ້ເພີ່ມທະວີການຕິດຕາມກວດກາ, ໜູນຊ່ວຍຊາວປະມົງໃນທຸກດ້ານຄື: ສະບຽງອາຫານ, ທັນຍາຫານ, ຢຸກຢາ…ພິເສດແມ່ນຮັບປະກັນການເດີນທະເລເພື່ອໃຫ້ຊາວປະມົງອຸ່ນອ່ຽນໃຈຕິດພັນກັບທະເລ.
ມາຮອດປະຈຸບັນ, ແນວໂຮມປະເທດຊາດແຂວງກວາງຫງ້າຍ ໄດ້ຮັບຈຳນວນເງິນກ່ວາ 130 ລ້ານດົ່ງຈາກບັນດາອົງການຈັດຕັ້ງ, ສ່ວນບຸກຄົນໃຫ້ແກ່ກຳລັງ ຕຳຫຼວດທະເລ ແລະ ອົງການກວດກາການຫາປາ, ໜູນຊ່ວຍ 50 ລ້ານດົ່ງໃຫ້ແກ່ຕຳຫຼວດທະເລເຂດ 2. ທ່ານເລວັນເຊົາ ຮອງປະທານຄະນະກຳມະການ ແນວໂຮມປະເທດຊາດແຂວງກວາງຫງ້າຍ ໃຫ້ຮູ້ວ່າ:
“ຄະນະກຳມະການແນວໂຮມປະເທດຊາດແຂວງກວາງຫງ້າຍ ໄດ້ຮັບການປະກອບສ່ວນຂອງສ່ວນບຸກຄົນ ກໍ່ຄືອົງການຈັດຕັ້ງ ເພື່ອໜູນຊ່ວຍບັນດາກຳລັງປ້ອງກັນເຂດໝູ່ເກາະທະເລຂອງຫວຽດນາມ. ພວກຂ້າພະເຈົ້າຄິດວ່າ, ບັນດາການກະທຳນີ້ ພ້ອມກັບການປະກອບສ່ວນຂອງປະຊາຊົນທົ່ວປະເທດ, ກຳລັງປ້ອງກັນເຂດໝູ່ເກາະທະເລຂອງຫວຽດນາມ ຈະອຸ່ນອ່ຽນໃຈກ່ວາ, ຕັດສິນໃຈປົກປັກຮັກສາອະທິປະໄຕເຂດທະເລໝູ່ເກາະຫວຽດນາມ“./.