ຕຳຫຼວດປະຊາຊົນຮັກສາ ຄຸນສົມບັດປະຕິວັດ, ຈົ່ງຮັກພັກດີຕໍ່ປະເທດ ຊາດ, ຕໍ່ພັກ ແລະ ຕໍ່ ປຊຊ
(ພາບ: congannghean.vn)
(vovworld)- ກ່າວຄຳເຫັນທີ່ກອງປະຊຸມສະຫລຸບ 3 ປີແຫ່ງການປະຕິບັດຄຳສັ່ງເລກທີ 03 ຂອງກົມການເມືອງກ່ຽວກັບ “ການສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ“ ຂອງກະຊວງຕຳຫຼວດຫວຽດ ນາມ ຈັດຂຶ້ນໃນວັນທີ 15/1, ຢູ່ຮ່າໂນ້ຍ, ທ່ານປະທານປະເທດເຈືອງເຕີນຊາງ ໄດ້ຍ້ອງຍໍຊົມເຊີຍຜົນງານອັນໃຫ່ຍຫຼວງຂອງກຳລັງຕຳຫຼວດ ປຊຊ. ທ່ານປະທານປະເທດເຈືອງເຕີນຊາງ ເນັ້ນໜັກວ່າ: ແຕ່ລະວິລະກຳ, ແຕ່ລະແບບຢ່າງວຽກດີຄົນເດັ່ນ, ຄວາມມານະພະຍາຍາມແຕ່ລະຢ່າງຂອງບັນດາກົມກອງ, ພະນັກງານ, ຕຳຫຼວດ ປຊຊ ໄດ້ປະກອບສ່ວນເຮັດໃຫ້ລະບຽບກົດໝາຍຂອງລັດມີຄວາມເຂັ້ມງວດກ່ວາ, ຊັບສິນຂອງລັດ, ຊີວິດອິນຊີ ແລະ ຊັບສົມບັດຂອງ ປຊຊ ໄດ້ຮັບການຮັກສາດີກ່ວາອີກ, ຕໍ່ສູ້ຢ່າງມີປະສິດທິຜົນກັບບັນດາອິດທິກຳລັງທີ່ເປັນປໍລະປັກ ແລະ ອາດຊະຍາກຳປະເພດຕ່າງໆ, ຮັກສາຊີວິດສະຫງົບສຸກ ແລະ ຄວາມຜາສຸກຂອງ ປຊຊ. ທ່ານປະທານປະເທດເຈືອງເຕີນຊາງ ຮຽກຮ້ອງໃຫ້ກຳລັງຕຳຫຼວດຕ້ອງຕິດພັນ “ການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ“ ກັບຂະບວນການ “ຕຳຫຼວດ ປຊຊ ຮ່ຳຮຽນ, ປະຕິບັດຕາມຄຳສັ່ງສອນ 6 ຂໍ້ຂອງລຸງໂຮ່“ ແລະ ມະຕິສູນກາງພັກຄັ້ງທີ 4 ຊຸດທີ 11 ກ່ຽວກັບ “ບາງບັນຫາອັນຮີບດ່ວນກ່ຽວກັບການກໍ່ສ້າງພັກປະຈຸບັນ“. ທ່ານປະທານປະເທດເຈືອງເຕີນຊາງ ເນັ້ນໜັກວ່າ:
“ການຕໍ່ສູ້ປົກປັກຮັກສາຄວາມສະຫງົບປອດໄພແຫ່ງຊາດ, ຄວາມເປັນລະບຽບຮຽບຮ້ອຍທາງສັງຄົມຍັງສັບສົນຢູ່, ພວກອາດຊະຍາກຳຍາມໃດກໍ່ຊອກຫາວິທີເພື່ອກະທົບ, ຍຸແຍ່ແກ່ດຶງ, ຈອບອອຍເພື່ອເຮັດໃຫ້ພະນັກງານຕຳຫຼວດເສຍທາດຂາດຄຸນ, ອຸດົມຄະຕິຫລຸດລົງ, ສະນັ້ນ, ພະນັກງານ, ຕຳຫຼວດຕ້ອງຝຶກຝົນຫຼໍ່ຫຼອມແນວຄິດການເມືອງ ແລະ ຄຸນສົມບັດ. ກຳລັງຕຳຫຼວດ ປຊຊ ສົມເປັນກຳລັງຫຼັກແຫຼ່ງໃນການຕໍ່ສູ້ປົກປັກຮັກສາຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ, ປົກປ້ອງຜົນປະໂຫຍດເປັນຕາຍຂອງປະເທດຊາດ“./.