ກອງປະຊຸມຜັນຂະຫຍາຍວຽກງານພົວພັນຕ່າງປະເທດປີ 2016
(ພາບ: baohagiang.vn)
|
(vovworld) – ວັນທີ 3/3, ຄະນະກຳມະການປະຊາຊົນແຂວງ ຮ່າຢາງ ໄດ້ຈັດຕັ້ງກອງປະຊຸມຜັນຂະຫຍາຍວຽກງານພົວພັນຕ່າງປະເທດປີ 2016. ກ່າວຄຳເຫັນທີ່ກອງປະຊຸມ, ທ່ານ ເລຮ່ວາຍຈູງ, ລັດຖະມົນຕີຊ່ວຍວ່າການກະຊວງການຕ່າງປະເທດ ໄດ້ເນັ້ນໜັກວ່າ: ເພື່ອປະຕິບັດວຽກງານພົວພັນຕ່າງປະເທດຢ່າງມີໄຊ, ໃນປີ 2016, ແຂວງ ຮ່າຢາງຄວນຖືເປັນສຳຄັນ ແລະ ຖືເອົາວຽກງານພົວພັນກັບຕ່າງປະເທດແມ່ນໜ້າທີ່ຈຸດສຸມປະກອບສ່ວນຊຸກຍູ້ແຂວງ ຮ່າຢາງ ໃຫ້ນັບມື້ນັບພັດທະນາ. ຄະນະກຳມະການປະຊາຊົນແຂວງ ຮ່າຢາງ ຄວນສ້າງແຜນການ, ທິດທາງ, ໜ້າທີ່ວຽກງານພົວພັນຕ່າງປະເທດໃນໄລຍະ 5 ປີຈະມາເຖິງໂດຍໄວ. ແຂວງ ຮ່າຢາງ ຕ້ອງ ຖືເອົາເສດຖະກິດພົວພັນກັບຕ່າງປະເທດແມ່ນໜ້າທີ່ຈຸດສຸມ, ຍົກສູງລະດັບວິຊາສະເພາະ, ວິຊາການໃຫ້ຖັນແຖວພະນັກງານປະຕິບັດວຽກງານການຕ່າງປະເທດຢ່າງບໍ່ຢຸດຢັ້ງ. ຄຽງຄູ່ກັນນັ້ນ, ແຂວງ ກໍຕ້ອງອະນຸລັກຮັກສາ ແລະ ເສີມຂະຫຍາຍຄຸນຄ່າວັດທະນະທຳຂອງປະຊາຊົນບັນດາເຜົ່າສ່ວນໜ້ອຍຕິດພັນກັບການພັດທະນາເຂດພູພຽງຫີນດົ່ງວັນ.