ຖະຫວາຍທູບທຽນອາໄລຫາທີ່ເຂດສຸສານນັກຮົບຫວຽດນາມ-ລາວເສຍສະຫຼະຊີວິດເພື່ອຊາດ
ພິທີຖະຫວາຍທູບທຽນ
(vovworld)- ເນື່ອງໃນໂອກາດວັນທະຫານເສຍອົງຄະ ນັກຮົບເສຍສະຫຼະຊີວິດເພື່ອຊາດ ຂອງຫວຽດນາມ, ຕອນເຊົ້າວັນທີ 27/7, ສະຖານທູດຫວຽດນາມ ປະຈຳລາວ, ໂດຍຕາງໜ້າອຳນາດປົກຄອງແຂວງວຽງຈັນ, ສະຫະພັນນັກຮົບເກົ່າລາວ, ຕາງໜ້າກະຊວງປ້ອງກັນຄວາມສະຫງົບລາວ, ສະມາຄົມຊາວຫວຽດນາມ ປະຈຳ ລາວ, ສະຫະສະມາຄົມບັນດານັກລົງທຶນຫວຽດນາມ ປະຈຳ ລາວ, ບັນດາອົງການອ້ອມຂ້າງສະຖານທູດຫວຽດນາມ, ພ້ອມດ້ວຍພໍ່ແມ່ປະຊາຊົນຊາວຫວຽດນາມອາໄສຢູ່ລາວ ແລະ ຊາວທ້ອງຖິ່ນ, ໄດ້ໄປຖະຫວາຍທູບທຽນອາໄລຫາທີ່ເຂດສຸສານນັກຮົບ ຫວຽດນາມ - ລາວ ທີ່ໄດ້ເສຍສະຫຼະຊີວິດເພື່ອຊາດ ທະຫານປະສົມລາວ-ຫວຽດ ຢູ່ບ້ານເກີນ, ແຂວງວຽງຈັນ. ທີ່ພິທີ, ທ່ານ ຫງວຽນແມ໋ງຮຸ່ງ ເອກອັກຄະລັດຖະທູດຫວຽດນາມ ປະຈຳ ລາວ ຢືນຢັນວ່າ: ເພື່ອໃຫ້ສອງປະເທດມີພື້ນຖານສັນຕິພາບ, ເອກະລາດ, ມີສາຍພົວພັນແບບພິເສດ ຄືທຸກມື້ນີ້, ນັກຮົບວິລະຊົນ ຫວຽດນາມ ແລະ ລາວບໍ່ຈັກວ່າເທົ່າໃດຄົນທີ່ໄດ້ເສຍສະຫຼະຊີວິດເພື່ອຊາດ ເສຍສະຫຼະເລືອດເນື້ອເພື່ອ ເພີ່ມພູນຄູນສ້າງ ໃຫ້ສາຍພົວພັນສາມັກຄີ ມິດຕະພາບ ແລະ ການຮ່ວມມືຮອບດ້ານ ຫວຽດນາມ-ລາວ. ທ່ານເອກອັກຄະລັດຖະທູດ ເນັ້ນໜັກວ່າ: ບັນດາລຸ່ນລູກລຸ່ນຫຼານ ຂອງສອງປະເທດມີຄວາມຫວັງຍາມໃດກໍ່ຮັດແໜ້ນຄວາມສາມັກຄີ, ພ້ອມກັນຮັກສາ ແລະ ເພີ່ມພູນຄູນສ້າງສາຍພົວພັນແບບພິເສດ ລະຫວ່າງ ສອງປະເທດ ສືບຕໍ່ພັດທະນາຍືນຍົງຄົງຕົວ, ສົມກັບການເສຍສະຫຼະເລືອດເນື້ອ ຂອງບັນດາລຸ່ນປູລຸ່ນພໍ່ ສອງປະເທດ ລາວ-ຫວຽດ ອ້າຍນ້ອງ.