ທ່ານປະທານາທິບໍດີ ຟີລິບປິນ Ferdinand Marcos, ທ່ານປະທານາທິບໍດີ ອາເມລິກາ Joe Biden ແລະ ທ່ານນາຍົກລັດຖະມົນຕີ ຍີ່ປຸ່ນ Kishida Fumio (ພາບ: Nikkei)

ກອງປະຊຸມສຸດຍອດ 3 ຝ່າຍຄັ້ງທຳອິດ ລະຫວ່າງ ອາເມລິກາ, ຍີ່ປຸ່ນ ແລະ ຟີລິບປິນ ໄດ້ດຳເນີນໃນວັນທີ 11 ເມສາ ຢູ່ວໍຊິງຕັນ, ອາເມລິກາ. ພາຍຫຼັງກອງປະຊຸມ, ບັນດາຝ່າຍໄດ້ອອກຖະແຫຼງການວິໄສທັດລວມ ລະຫວ່າງສາມປະເທດ. ກອງປະຊຸມສຸດຍອດ ມີການເຂົ້າຮ່ວມຂອງທ່ານປະທານາທິບໍດີ ອາເມລິກາ Joe Biden, ທ່ານປະທານາທິບໍດີ ຟີລິບປິນ Ferdinand Marcos, ທ່ານນາຍົກລັດຖະມົນຕີ ຍີ່ປຸ່ນ Kishida Fumio.

ຖະແຫຼງການຮ່ວມ ອາເມລິກາ - ຍີ່ປຸ່ນ - ຟີລິບປິນ ໄດ້ເນັ້ນໜັກເຖິງຄຳໝັ້ນສັນຍາລວມກ່ຽວກັບມະຫາສະໝຸດ ອິນເດຍ - ປາຊີຟິກ ເສລີ ແລະ ເປີດກວ້າງ, ເຊື່ອມຕໍ່, ວັດທະນາຖາວອນ, ປອດໄພ, ກວມລວມ ແລະ ເພີ່ມຄວາມເຂັ້ມແຂງດ້ວຍຕົນເອງ. ການນຳສາມປະເທດ ຢັ້ງຢືນຈະສະໜັບສະໜູນຕໍ່ບົດບາດເປັນໃຈກາງ ລະ ມີລັກສະນະເປັນເອກະພາບຂອງ ອາຊຽນ ກໍ່ຄືວິໄສທັດ ມະຫາສະໝຸດ ອິນເດຍ - ປາຊີຟິກ ຂອງ ອາຊຽນ. ຖະແຫຼງການຮ່ວມກໍ່ເນັ້ນໜັກເຖິງການສະໜັບສະໜູນພາກພື້ນ ມະຫາສະໝຸດ ອິນເດຍ - ປາຊີຟິກ ແຫ່ງສັນຕິພາບ, ມີສະຖຽນລະພາບ ແລະ ອີງຕາມກົດໝາຍ.