(vovworld) - ໃນຂອບເຂດການຢ້ຽມຢາມມາເລເຊຍ ຢ່າງເປັນທາງການ ຂອງທ່ານນາຍົກລັດຖະມົນຕີ ຫງວຽນເຕີນຢຸງ ໃນລະຫວ່າງວັນທີ 07 – 08/08, 2 ປະເທດຫວຽດນາມ ແລະ ມາເລເຊຍ ໄດ້ອອກຖະແຫຼງການຮ່ວມກ່ຽວກັບຂອບເຂດການພົວພັນຄູ່ຮ່ວມມືຍຸດທະສາດລະຫວ່າງລັດຖະບານຫວຽດນາມ ແລະ ລັດຖະບານມາເລເຊຍ. ໃນຖະແຫຼງການຮ່ວມຊີ້ແຈ້ງວ່າ:
2 ປະເທດ ໄດ້ເຫັນດີນຳກັນສ້າງຕັ້ງການພົວພັນຄູ່ຮ່ວມມືຍຸດທະສາດຫວຽດນາມ - ມາເລເຊຍ. ການພົວພັນຄູ່ຮ່ວມມືນີ້ໄດ້ສ້າງຂອບເຂດຢ່າງຈະແຈ້ງ ເພື່ອແນໃສ່ຊຸກຍູ້ການພົວພັນ 2 ຝ່າຍ ບົນພື້ນຖານທັດສະນະຍຸດທະສາດ, ຮອບດ້ານ ແລະ ຍາວນານ.
2 ຝ່າຍເຫັນດີ ສືບຕໍ່ແລກປ່ຽນບັນດາການຢ້ຽມຢາມ ແລະ ການພົບປະຂັ້ນສູງ ແລະ ທຸກຂັ້ນ, ເພີ່ມທະວີການພົວພັນໃນທຸກດ້ານຄື: ລັດຖະບານ, ພັກ, ສະພາແຫ່ງຊາດ. 2 ຝ່າຍສົ່ງເສີມເພີ່ມທະວີບັນດາການເຄື່ອນໄຫວພົບປະແລກປ່ຽນປະຊາຊົນ.
2 ຝ່າຍເຫັນດີປະຕິບັດບົດບັນທຶກຊ່ວຍຈຳລະຫວ່າງລັດຖະບານ 2 ປະເທດ ກ່ຽວກັບການຮ່ວມມືດ້ານປ້ອງກັນຊາດ 2 ຝ່າຍ (ປີ 2008) ຢ່າງມີປະສິດທິຜົນ. 2 ຝ່າຍໃຫ້ຄຳໝັ້ນສັນຍາຍູ້ແຮງການຮ່ວມມືລະຫວ່າງບັນດາກຳລັງປ້ອງກັນຊາດ, ປະກອບສ່ວນຮັກສາຄວາມໝັ້ນຄົງ, ສະຖຽນລະພາບຢູ່ພາກພື້ນ.
2 ຝ່າຍຖືເປັນສຳຄັນການຮ່ວມມືດ້ານປ້ອງກັນຄວາມສະຫງົບ ແລະ ເຫັນດີເພີ່ມທະວີການຮ່ວມມືຕ້ານອາດຊະຍາກຳຂ້າມຊາດ. 2 ຝ່າຍໄດ້ຢືນຢັນຄຳໝັ້ນສັນຍາຄືນໃໝ່ບໍ່ອະນຸຍາດໃຫ້ບໍ່ວ່າສ່ວນບຸກຄົນ ຫຼື ອົງການໃດນຳໃຊ້ພື້ນແຜ່ນດິນຂອງປະເທດຕົນເພື່ອດຳເນີນການເຄື່ອນໄຫວຕ້ານທຳລາຍປະເທດອື່ນ. 2 ຝ່າຍກໍເຫັນດີນຳກັນຈະລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືປ້ອງກັນ, ຕ້ານອາດຊະຍາກຳການຄ້າຄົນລະຫວ່າງ 2 ປະເທດ.
2 ຝ່າຍເຫັນດີຮ່ວມມືຢ່າງແໜ້ນແຟ້ນ ເພື່ອຍົກວົງເງິນການຄ້າ 2 ສົ້ນຂຶ້ນເຖິງ 15 ຕື້ USD ຫຼືສູງກວ່າໃນປີ 2020. 2 ຝ່າຍກໍຢືນຢັນຄຳໝັ້ນສັນຍາຄືນໃໝ່ ໃນສ້າງເງື່ອນໄຂສະດວກເພື່ອໃຫ້ບັນດານັກລົງທຶນ 2 ປະເທດຊອກຫາກາລະໂອກາດລົງທຶນຢູ່ແຕ່ລະປະເທດ.
2 ຝ່າຍໄດ້ເຫັນດີຍູ້ແຮງການຮ່ວມມືໃນບັນດາຂົງເຂດ ການເງິນ, ກະສິກຳ, ພະລັງງານ, ພິເສດແມ່ນໃນຂົງເຂດນ້ຳມັນອາຍແກສ, ພະລັງງານ…
2 ຝ່າຍເຫັນດີເພີ່ມທະວີການແລກປ່ຽນທັດສະນະ, ຮ່ວມມືຢ່າງເລິກເຊິ່ງ, ກວ້າງຂວາງ ທີ່ບັນດາເວທີປາໄສພາກພື້ນ ແລະ ສາກົນ. 2 ຝ່າຍ ໃຫ້ຄຳໝັ້ນສັນຍາສ້າງຕັ້ງປະຊາຄົມອຽນ ໃນປີ 2015 ແລະ ໄລຍະພັດທະນາຂອງປະຊາຄົມພາຍຫຼັງປີ 2015.
ນາຍົກລັດຖະມົນຕີ 2 ທ່ານໄດ້ແລກປ່ຽນກ່ຽວກັບບັນດາບັນຫາກ່ຽວຂ້ອງເຖິງທະເລຕາເວັນອອກຢ່າງເລິກເຊິ່ງ, ກວ້າງຂວາງ ແລະ ສະແດງຄວາມວິຕົກກັງວົນກ່ຽວກັບບັນດາການຜັນແປຫວ່າງມໍ່ໆມານີ້ຢູ່ທະເລຕາເວັນອອກ ແລະ ເນັ້ນໜັກເຖິງຄວາມສຳຄັນໃນການຮັກສາສັນຕິພາບ, ຄວາມສະຫງົບ ແລະ ສະຖຽນລະພາບ, ການເດີນທະເລຢ່າງເສລີ, ການບິນ ຢູ່ທະເລຕາເວັນອອກ. ນາຍົກລັດຖະມົນຕີ 2 ທ່ານໄດ້ເຫັນດີຮັກສາຄວາມສາມັກຄີ, ເປັນເອກະພາບ ແລະ ບົດບາດໃຈກາງຂອງອາຊຽນ ແມ່ນມີຄວາມສຳຄັນພິເສດໃນເລື່ອງແກ້ໄຂບັນຫາດັ່ງກ່າວ.
ການນຳ 2 ທ່ານກໍເນັ້ນໜັກຄຳໝັ້ນສັນຍາປະຕິບັດຖະແຫຼງການກ່ຽວກັບການປະພຶດຂອງຝ່ານຕ່າງໆຢູ່ທະເລຕາເວັນອອກ (DOC) ແລະ ສ້າງປະມວນຂໍ້ກຳນົດກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC) ຢ່າງຄົບຖ້ວນ ແລະ ມີປະສິດທິຜົນໂດຍໄວ.