(ພາບປະກອບ: TTXVN)
(vovworld) - ກອງປະຊຸມໃຫຍ່ ສະຫະພັນ ລັດຖະສະພາສາກົນ IPU 132 ຮັບຮອງເອົາຖະແຫຼງການຮ່າໂນ້ຍ, ສ່ອງແສງໃຫ້ເຫັນວິໄສທັດ, ຄຳໝັ້ນສັນຍາຂອງບັນດາສະມາຊິກ IPU, ເພື່ອການພັດທະນາແບບຍືນຍົງ. ຜົນສຳເລັດຂອງ IPU 132 ໄດ້ພິສູດໃຫ້ເຫັນການເຂົ້າຮ່ວມຢ່າງຕັ້ງໜ້າ, ທັດສະນະຢ່າງແຮງຂອງ IPU ໃນຊີວິດດ້ານການເມືອງທົ່ວໂລກ, ກຳນົດທິດໃຫ້ບາດກ້າວພັດທະນາຕໍ່ໄປຂອງມວນມະນຸດ. ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ, ທັງເປັນປະທານ IPU 132, ໄດ້ຢືນຢັນຄືດັ່ງກ່າວທີ່ການປະຊຸມຂ່າວສາກົນເມື່ອຕອນບ່າຍວັນທີ 1/4, ເພື່ອແຈ້ງບັນດາຜົນງານລະອຽດທີ່ບັນລຸໄດ້ຢູ່ IPU 132.
ສ່ວນທ່ານປະທານ IPU, Saber Choudhury, ທັງເປັນປະທານຮ່ວມການປະຊຸມຂ່າວ ກໍ່ຕີລາຄາສູງວຽກງານຈັດຕັ້ງ ແລະ ການປະກອບສ່ວນຢ່າງແທດຈິງຂອງຫວຽດນາມ ຢູ່ກອງປະຊຸມຄັ້ງນີ້. ທ່ານຢືນຢັນວ່າ, IPU 132 ຕອບສະໜອງບັນດາຄວາມຫວັງຂອງ IPU, ທ່ານປະທານ IPU ເນັ້ນໜັກວ່າ, IPU 132 ທີ່ຈັດຕັ້ງຢູ່ຮ່າໂນ້ຍ, ໄດ້ສ້າງບາດກ້າວຫັນປ່ຽນຢ່າງແທ້ຈິງໃນການເຄື່ອນໄຫວຂອງ IPU, ນັ້ນແມ່ນຫັນຄຳເວົ້າເປັນການກະທຳຕົວຈິງ.
“ຂ້າພະເຈົ້າຖືວ່າ, ຖະແຫຼງການຮ່າໂນ້ຍ ແມ່ນຂີດໝາຍສະແດງໃຫ້ເຫັນຄວາມຮັບຮູ້ຂອງພວກເຮົາໄດ້ມີການປ່ຽນແປງ, ຫັນຄຳເວົ້າເປັນການກະທຳ. ຖະແຫຼງການຮ່າໂນ້ຍ ແມ່ນຖືກກັບຄວາມໝາຍຂອງມັນ. ທີໜຶ່ງແມ່ນໂດຍສະພາແຫ່ງຊາດຫວຽດນາມສະເໜີ. ທີສອງແມ່ນໄດ້ຮັບການຮັບຮອງເອົາຢູ່ຮ່າໂນ້ຍ ແລະ ທີສາມແມ່ນເປັນມໍລະດົກ, ແມ່ນການປະກອບສ່ວນຂອງຫວຽດນາມ ໃຫ້ທົ່ວໂລກ. ພວກຂ້າພະເຈົ້າຈະຍື່ນເອກະສານນີ້ຢູ່ກອງປະຊຸມບັນດາການນຳທີ່ນິວຢອກ .“
ເມື່ອຕອບຄຳຖາມກ່ຽວກັບການກະທົບຂອງຖະແຫຼງການຮ່າໂນ້ຍ ເຖິງສະພາແຫ່ງຊາດຫວຽດນາມ. ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ, ເນັ້ນໜັກວ່າ:
“ໃນໄລຍະຈະມາເຖິງ, ສະພາແຫ່ງຊາດຫວຽດນາມ ຜັນຂະຫຍາຍການປ່ຽນໃໝ່ຢ່າງຕັ້ງໜ້າ, ສ້າງກົດໝາຍໃກ້ຊິດຕິດແທດກັບຄາດໝາຍສະຫັດຕະວັດ, ແລະ ໂຄງການດຳເນີນງານ, ນັ້ນແມ່ນຖືປະຊາຊົນເປັນໃຈກາງ ແລະ ດຳເນີນມາດຕະການສຳຄັນ. ສະພາແຫ່ງຊາດຫວຽດນາມຕ້ອງມີການກະທຳ ແລະ ຫັນການກະທຳນັ້ນໃຫ້ເປັນການກະທຳຂອງລັດຖະບານ, ອຳນາດການປົກຄອງທຸກຂັ້ນ, ກໍ່ຄືລົງສູ່ແຕ່ລະຄົນ ເພື່ອໃຫ້ປະຊາຊົນແກ້ໄຂບັນດາຄາດໝາຍສະຫັດຕະວັດດ້ວຍຕົນເອງ“.
ຕອນຄຳ່ວັນທີ 1/4, ນະຄອນຮ່າໂນ້ຍ ໄດ້ຈັດງານໂຮມຊຸມນຸມຊົມເຊີຍຜົນສຳເລັດຂອງກອງປະຊຸມໃຫຍ່ IPU 132.