ຖານທີ່ໝັ້ນການທະຫານຂອງ ອາເມລິກາຢູ່ ອີຣັກ ຖືກບຸກໂຈມຕີ, ມີພົນທະຫານຢ່າງຫນ້ອຍສຸດ 5 ຄົນໄດ້ຮັບບາດເຈັບ
(VOVWORLD) - ສອງແຫລ່ງຂ່າວຈາກກຳລັງປ້ອງກັນຄວາມສະຫງົບໃຫ້ຮູ້ວ່າ ຖານທີ່ໝັ້ນກອງທັບ ອາກາດ al Asad ຢູ່ ພາກຕາເວັນຕົກ ອີຣັກ ຖືກລູກຈະລວດ 2 ລູກຍິງໃສ່.
 ຖານທີ່ໝັ້ນກອງທັບ ອາກາດ al Asad ຢູ່ ພາກຕາເວັນຕົກ ອີຣັກ ຖືກລູກຈະລວດ 2 ລູກຍິງໃສ່ (ພາບເອກະສານ: IRNA/TTXVN) |
ມີພົນທະຫານ ອາເມລິກາ ຢ່າງຫນ້ອຍສຸດ 5 ຄົນໄດ້ຮັບບາດເຈັບ ໃນການບຸກໂຈມຕີ ທີ່ເລັ່ງໃສ່ຖານທີ່ໝັ້ນການທະຫານຂອງປະເທດນີ້ ຢູ່ ອີຣັກ ໃນວັນທີ 5 ສິງຫາ.ສອງແຫລ່ງຂ່າວຈາກກຳລັງປ້ອງກັນຄວາມສະຫງົບໃຫ້ຮູ້ວ່າ ຖານທີ່ໝັ້ນກອງທັບ ອາກາດ al Asad ຢູ່ ພາກຕາເວັນຕົກ ອີຣັກ ຖືກລູກຈະລວດ 2 ລູກຍິງໃສ່. ປະຈຸບັນ ຍັງບໍ່ທັນຮູ້ຝ່າຍໃດຫນູນຫລັງເຫດບຸກໂຈມຕີນີ້.
ທິດກ່ອນ, ບັນດາເຈົ້າຫນ້າທີ່ ອາເມລິກາ ໃຫ້ຮູ້ວ່າ: ວໍຊິງຕັນ ໄດ້ດຳເນີນການບຸກໂຈມຕີທາງອາກາດ ຢູ່ ອີຣັກ ດ້ວຍຈຸດປະສົງປ້ອງກັນຕົວ. ອາເມລິກາ ຖະແຫລງ ແມ່ນເລັ່ງໃສ່ບັນດາເປົ້າໝາຍ ຊື່ງ ວໍຊິງຕັນ ກ່າວຫາວ່າ ແມ່ນພວກກະບົດພວມກະກຽມຍິງອຸປະກອນບິນບໍ່ມີຄົນຂັບ ກໍ່ຄວາມນາບຂູ່ໃຫ້ແກ່ກຳລັງ ອາເມລິກາ ແລະກຳລັງທະຫານປະສົມ.