ທົ່ວກອງທັບຊາບຊຶມ ແລະ ຜັນຂະຫຍາຍປະຕິບັດມະຕິ
ກອງປະຊຸມສູນກາງຄັ້ງທີ 4 ຊຸດທີ 11
(ພາບ: baomoi.com)
|
(vovworld) - ຕອນເຊົ້າວັນທີ 19/3, ຢູ່ຮ່າໂນ້ຍ, ຄະນະປະຈຳ ຄະນະພັກການທະຫານສູນກາງພັກກອມມູນິດຫວຽດນາມຈັດຕັ້ງກອງປະຊຸມພະນັກງານຫຼັກແຫຼ່ງທົ່ວກອງທັບຊາບຊຶມ ແລະ ຜັນຂະຫຍາຍປະຕິບັດມະຕິກອງປະຊຸມສູງກາງພັກກອມມູນິດຫວຽດນາມຄັ້ງທີ 4 ຊຸດທີ 11 ກ່ຽວກັບ “ບາງບັນຫາຮີບດ່ວນໃນການກໍ່ສ້າງພັກປະຈຸບັນ“. ທ່ານພົນເອກ ຟູ່ງກວາງແທງ, ກຳມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດເນັ້ນໜັກວ່າ: ນີ້ແມ່ນມະຕິສຳຄັນທີ່ສຸດທີມີຕໍ່ການພັດທະນາປະເທດຊາດໃນໄລຍະໃໝ່ຂອງການປະຕິວັດຫວຽດນາມ, ໄດ້ຮັບຄວາມເອົາໃຈໃສ່ຈາກທົ່ວພັກ, ທົ່ວກອງທັບ ແລະ ທົ່ວປວງຊົນ. ທ່ານລັດຖະມົນຕີ ຟູ່ງກວາງແທງເນັ້ນໜັກວ່າ: ເລຂາຄະນະພັກ, ຖັນແຖວພະນັກງານການນຳ, ຄະນະພັກການທະຫານ, ກຳມະການການເມືອງທຸກຂັ້ນຕ້ອງເຫັນໄດ້ຄວາມຮັບຜິດຊອບຂອງຕົນເພື່ອເປັນແບບຢ່າງ, ຕື່ນຕົວປະຕິບັດ ແລະ ຊີ້ນຳ, ຈັດຕັ້ງປະຕິບັດມະຕິກອງປະຊຸມສູນກາງພັກກອມມູນິດ ຫວຽດນາມຄັ້ງທີ 4 ຊຸດທີ 11 ໃນຖານະວຽກງານ ແລະ ຂົງເຂດທີ່ຕົນຮັບຜິດຊອບ.