ຫວຽດນາມ ມີຜູ້ຕິດເຊື້ອພະຍາດໂຄວິດ-19 ທັງໝົດ 12.620 ຄົນ (ພາບປະກອບ: TTXVN)

ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງ 30 ນາທີຂອງວັນທີ 19 ມິຖຸນາ (ຕາມເວລາ UTC), ທົ່ວໂລກມີຜູ້ຕິດເຊື້ອພະຍາດໂຄວິດ-19 ທັງໝົດເກືອບ 178,6 ລ້ານຄົນ, ໃນນັ້ນເກືອບ 3,87 ລ້ານຄົນເສຍຊີວິດ. ໃນຮອບເວລາ 24 ຊົ່ວໂມງຜ່ານມາ, ມີຜູ້ຕິດເຊື້ອພະຍາດໃໝ່ເກືອບ 400.000 ຄົນ ແລະ ກວ່າ 8.500 ຄົນເສຍຊີວິດ. ປະເທດຖືກຜົນສະທ້ອນຢ່າງໜັກໜ່ວງທີ່ສຸດຍັງແມ່ນອາເມລິກາ, ຖັດຈາກນັ້ນແມ່ນ ອິນເດຍ ແລະ ບຣາຊິນ.

        ກ່ຽວຂ້ອງເຖິງການແຜ່ລະບາດຂອງໄວຣັດ Delta, ນັກວິທະຍາສາດແຖວໜ້າໂລກຢູ່ອົງການອະນາໄມໂລກ (WHO) Soumya Swaminathan ກ່າວເຕື່ອນວ່າ, ນີ້ອາດຈະກາຍເປັນໄວຣັດສາຍພັນໃໝ່ກໍ່ໃຫ້ເກີດຈຳນວນກໍລະນີຕິດເຊື້ອພະຍາດໂຄວິດ-19 ໃນທົ່ວໂລກ ເປັນສ່ວນຫຼາຍ. ປະຈຸບັນ, WHO ໄດ້ແບ່ງໄວຣັດ Delta ຢູ່ລະດັບ “ສາຍພັນໃໝ່ທີ່ໜ້າວິຕົກກັງວົນ”.

        ສ່ວນຢູ່ຫວຽດນາມ, ນັບແຕ່ເວລາ 18 ໂມງຂອງວັນທີ 18 ມິຖຸນາ ຫາເວລາ 12 ໂມງຂອງວັນທີ 19 ມິຖຸນາ, ຫວຽດນາມ ໄດ້ກວດພົບຜູ້ຕິດເຊື້ອພະຍາດໂຄວິດ-19 ຕື່ມອີກ 206 ຄົນ ຢູ່ໃນເຂດແຍກຕົວ ຫຼື ເຂດຖືກປິດລ້ອມ; 3 ຄົນເຂົ້າເມືອງ ໄດ້ຮັບການແຍກຕົວໂດຍທັນທີ. ໃນຈຳນວນຜູ້ຕິດໃໝ່, ນະຄອນ ໂຮ່ຈິມະນ ມີ 104 ຄົນ.

        ປະຈຸບັນ, ຫວຽດນາມ ມີຜູ້ຕິດເຊື້ອພະຍາດໂຄວິດ-19 ທັງໝົດ 12.620 ຄົນ, ຈຳນວນຜູ້ທີ່ໄດ້ຮັບການປິ່ນປົວຫາຍດີເປັນປົກກະຕິແມ່ນ 4.733 ຄົນ, ມີ 62 ຄົນເສຍຊີວິດ.