(vovworld) – ກອງປະຊຸມໃຫຍ່ອົງຄະນະພັກແຂວງ ກຽນຢາງ ຄັ້ງທີ 10, ອາຍຸການ 2015 – 2020, ຖືກໄຂຂຶ້ນໃນຕອນເຊົ້າວັນທີ 16/10, ດ້ວຍຫົວຂໍ້ວ່າ “ສືບຕໍ່ກໍ່ສ້າງອົງຄະນະພັກໃຫ້ປອດໃສ, ເຂັ້ມແຂງ; ເສີມຂະຫຍາຍກຳລັງແຮງທົ່ວປວງຊົນ; ຂຸດຄົ້ນຄວາມສາມາດບົ່ມຊ້ອນ, ທ່າແຮງໃຫ້ເປັນຢ່າງດີ; ສູ້ຊົນນຳແຂວງ ກຽນຢາງ ໃຫ້ກາຍເປັນແຂວງພັດທະນາພໍສົມຄວນໃນທົ່ວປະເທດ”. ທີ່ກອງປະຊຸມ, ທ່ານກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ ເລຮົ່ງແອງ ສະເໜີໃຫ້ແຂວງ ສືບຕໍ່ລົງທຶນ, ເອົາໃຈໃສ່ເປັນພິເສດເຖິງການພັດທະນາເສດຖະກິດທະເລ, ສ້າງເງື່ອນໄຂສະດວກໃຫ້ ຟຸ໋ກ໋ວກ ພັດທະນາກາຍເປັນສູນການທ່ອງທ່ຽວ, ການບໍລິການໃຫຍ່ຂອງທົ່ວປະເທດ ແລະ ພາກພື້ນອາຊີຕາເວັນອອກສ່ຽງໃຕ້. ກ່ຽວກັບວຽກງານກໍ່ສ້າງພັກ, ທ່ານ ເລຮົ່ງແອງ, ຜູ້ປະຈຳການຄະນະເລຂາສູນກາງພັກ ເລຮົ່ງແອງ ຊີ້ແຈ້ງວ່າ.
“ແຂວງ ຕ້ອງສືບຕໍ່ປັບປຸງ, ສ້າງໃຫ້ສົມບູນແບບ, ຍົກສູງປະສິດທິພາບ, ຄຸ້ມຄອງຢ່າງມີປະສິດທິຜົນ, ການບໍລິຫານຂອງອຳນາດການປົກຄອງ, ຕິດພັນກັບການປະຕິບັດວຽກງານປະຕິຮູບບໍລິຫານເປັນຢ່າງດີ; ເດັດດ່ຽວຕໍ່ສູ້ຕ້ານການສໍ້ລາດບັງຫຼວງ, ໄພຫຍໍ້ທໍ້ ແລະ ຟຸມເຟືອຍ, ກໍ່ສ້າງອົງຄະນະພັກ, ກໍ່ສ້າງລະບົບອຳນາດການປົກຄອງທຸກຂັ້ນໃຫ້ປອດໃສ, ເຂັ້ມແຂງ, ຕິດພັນກັບປະຊາຊົນຢ່າງແໜ້ນແຟ້ນ ແລະ ແທດຈິງ. ນອກຈາກນັ້ນ, ຕ້ອງປ່ຽນໃໝ່ ແລະ ເພີ່ມທະວີວຽກງານຂົນຂວາຍປະຊາຊົນ, ເສີມຂະຫຍາຍສິດເປັນເຈົ້າຕົນເອງຂອງປະຊາຊົນ, ປະຕິບັດຄຳຂວັນ “ປະຊາຊົນຮູ້, ປະຊາຊົນປຶກສາຫາລື, ປະຊາຊົນເຮັດ, ປະຊາຊົນຕິດຕາມກວດກາ” ໃຫ້ເປັນຢ່າງດີ.
ແລະກໍໃນວັນດຽວກັນ, ທ່ານ ເຈີນກ໋ວກເວື້ອງ, ຫົວໜ້າຫ້ອງວ່າການສູນກາງພັກ, ໄດ້ເຂົ້າຮ່ວມ ແລະ ກ່າວຄຳເຫັນຊີ້ນຳທີ່ກອງປະຊຸມໃຫຍ່ຜູ້ແທນອົງຄະນະພັກແຂວງ ບັກກ້ານ ຄັ້ງທີ 6, ອາຍຸການ 2015 – 2020. ທ່ານ ເຈືອນກ໋ວກເວື້ອງ ສະເໜີໃຫ້ແຂວງ ບັກກ້ານ ເສີມຂະຫຍາຍບັນດາຄວາມສາມາດບົ່ມຊ້ອນທີມີທ່າແຮງໃຫ້ເປັນຢ່າງດີ, ຖືເອົາການພັດທະນາກະສິກຳ, ປ່າໄມ້ແມ່ນຂົງເຂດຕົ້ນຕໍໃນການພັດທະນາເສດຖະກິດ.
ໃນວັນທີ 16/10, ອົງຄະນະພັກບັນດາແຂວງ: ດ່ານັ້ງ, ລອງອານ, ຈ່າວິງ, ໄຕນິງ, ວິ້ງຟຸ໋ກ, ຢາລາຍ, ບິ່ງດິ້ງ ໄດ້ປະຕິບັດສຳເລັດລາຍການກອງປະຊຸມໃຫຍ່ອົງຄະນະພັກຂັ້ນແຂວງ, ເລືອກຕັ້ງເອົາບຸກຄະລາກອນຄະນະບໍລິຫານອົງຄະນະພັກຊຸດໃໝ່, ອາຍຸການ 2015 – 2020.