ພາບປະກອບ:internet
|
(vovworld)-ນັ້ນແມ່ນຫົວຂໍ້ຂອງເວທີປາໄສປະຈຳປີກ່ຽວກັບການຮ່ວມມືພັດທະນາເຂດລຸ່ມແມ່ນຳ້ຂອງທີ່ດຳເນີນໄປໃນຕອນເຊົ້າວັນທີ 19/12 ຢູ່ ຮ່າໂນ້ຍ. ເວທີປາໄສໄດ້ຮັບການຈັດຕັ້ງຂຶ້ນເພື່ອແລກປ່ຽນຂໍ້ມູນຂ່າວສານ,ຊອກຫາມາດຕະການແກ້ໄຂຮ່ວມສຳພັນ,ຮ່ວມມືຊຸກຍູ້ການລົງທຶນ ແລະ ການເຄື່ອນໄຫວດຳເນີນທຸລະກິດລະຫວ່າງບັນດາບໍລິສັດ, ຈັດຕັ້ງການເຄື່ອນໄຫວໃນຂົງເຂດທ່ອງທ່ຽວຂອງບັນດາປະເທດຂຶ້ນກັບເຂດລຸ່ມແມ່ນຳ້ຂອງ ພ້ອມທັງແນະນຳ, ໂຄສະນາຄວາມສາມາດບົ່ມຊ້ອນ ແລະ ຜະລິດຕະພັນທ່ອງທ່ຽວຂອງບັນດາປະເທດເຂດລຸ່ມແມ່ນຳ້ຂອງ. ເມື່ອຕີລາຄາກ່ຽວກັບການພັດທະນາທ່ອງທ່ຽວຂອງບັນດາເຂດລຸ່ມແມ່ນຳ້ຂອງ, ທ່ານ ຫງວຽນດືກກຽນ, ຮອງຫົວຫນ້າກຳມາທິການເສດຖະກິດຂອງສະພາແຫ່ງຊາດຢືນຢັນວ່າ:
”ຂະແຫນງທ່ອງທ່ຽວແມ່ນຫນຶ່ງໃນບັນດາຂະແຫນງປາຍແຫລມຂອງຫວຽດນາມ ແລະ ບັນດາປະເທດເຂດລຸ່ມແມ່ນຳ້ຂອງເປີດກວ້າງ. ດ້ວຍທ່າໄດ້ປຽບກ່ຽວກັບທຳມະຊາດ ແລະ ຄວາມສາມາດບົ່ມຊ້ອນການທ່ອງທ່ຽວ, ແມ່ນຳ້ຂອງໄດ້ດຶງດູດນັກທ່ອງທ່ຽວຕ່າງປະເທດເປັນຈຳນວນຫລວງຫລາຍ”