(vovworld) - ວັນທີ 20/01, ຢູ່ຮ່າໂນ້ຍ, ທະນາຄານໂລກ (WB) ປະຈຳຫວຽດນາມ ໄດ້ປະກາດ 2 ບົດລາຍງານທີ່ວ່າ “ຕີລາຄາຂົງເຂດອະນາໄມສິ່ງແວດລ້ອມເຂດຕົວເມືອງພາກພື້ນອາຊີ - ປາຊີຝີກ: ບັນດາການເຄື່ອນໄຫວທີ່ຈຳເປັນ” ແລະ “ຕີລາຄາການເຄື່ອນໄຫວຄຸ້ມຄອງນ້ຳເສຍເຂດຕົວເມືອງຢູ່ຫວຽດນາມ”. ບັນດາບົດລາຍງານລ້ວນແຕ່ຢືນຢັນວ່າ ການບໍລິການເຮັດອະນາໄມເຂດຕົວເມືອງຢ່າງໝັ້ນຄົງ ໄດ້ນຳມາເຊິ່ງຜົນປະໂຫຍດທີ່ສຳຄັນຢູ່ ຫວຽດນາມ ແລະ ໃນພາກພື້ນ. ບົດລາຍງານ “ຕີລາຄາການເຄື່ອນໄຫວຄຸ້ມຄອງນ້ຳເສຍຂດຕົວເມືອງຢູ່ຫວຽດນາມ” ໄດ້ສຸມໃສ່ຄົ້ນຄວ້າບັນດາສິ່ງທ້າທາຍເຊິ່ງຫວຽດນາມ ພວມປະເຊີນໜ້າ ຍ້ອນວິວັດການຫັນເປັນຄົວເມືອງເກີດຂຶ້ນຢ່າງແຮງໄດ້ຖືກກໍ່ມົນລະພິດເຖິງສິ່ງແວດລ້ອມ. ໃນ 20 ປີຜ່ານມາ, ຫວຽດນາມ ບັນລຸໄດ້ບັນດາຄວາມກ້າວໜ້າໃນວຽກງານແກ້ໄຂນ້ຳເສຍ ແລະ ໃນຊຸມປີມໍ່ໆມານີ້ ໄດ້ລົງທຶນເຂົ້າຂົງເຂດດັ່ງກ່າວແຕ່ລະປີປະມານ 500 ລ້ານ USD. ແຕ່ວ່າ ເພື່ອຕອບສະໜອງໄດ້ວິວັດການຫັນເປັນຕົວເມືອງຢ່າງວ່ອງໄວນັ້ນ, ຄາດວ່າແຕ່ນີ້ຮອດປີ 2025, ຫວຽດນາມ ຕ້ອງລົງທຶນເຂົ້າຂົງເຂດບຳບັດນ້ຳດເສຍຂຢູ່ດຕົວເມືອງແຕ່ລະປີປະມານ 8,3 ຕື້ USD. ໃນຂະນະນັ້ນ, ບົດລາຍງານ “ຕີລາຄາຂົງເຂດອະນາໄມສິ່ງແວດລ້ອມເຂດຕົວເມືອງອາຊີຕາເວັນອອກ - ປາຊີຝີກ: ບັນດາການເຄື່ອນໄຫວທີ່ຈຳເປັນ” ໄດ້ລວບລວມບັນດາການຄົ້ນຄວ້າໂດຍລົງເລິກກ່ຽວກັບບັນຫາເຮັດອະນາໄມສິ່ງແວດລ້ອມເຂດຕົວເມືອງຢູ່ 3 ປະເທດ ພາກພື້ນອາຊີ - ປາຊີຝີກ ເຊິ່ງລວມມີ ອີນໂດເນເຊຍ, ຟີລິບປີນ ແລະ ຫວຽດນາມ. ບົດລາຍງານໄດ້ສະເໜີໃຫ້ບັນດານັກຄຸ້ມຄອງຕ້ອງພັດທະນານະໂຍບາຍສຸມໃສ່ມະນຸດ; ຊຸກຍູ້ມາດຕະການແກ້ໄຂດ້ານເຕັກນິກຢ່າງມີປະສິດທິຜົນ...