(vovworld) – “ເພື່ອຊ່ວຍຊາວປະມົງເດີນທະເລທັງຂຸດຄົ້ນສິນໃນນ້ຳ ທັງປະກອບສ່ວນປົກປັກຮັກສາອະທິປະໄຕເຂດທະເລ, ໝູ່ເກາະ, ເລື່ອງໜູນຊ່ວຍທຶນຮອນເພື່ອສ້ອມແປງກຳປັ່ນເກົ່າ, ຕໍ່ກຳປັ່ນໃໝ່ທີ່ມີຄວາມແຮງສູງກວ່ານັ້ນ, ລະບົບທະນາຄານພວມເຂົ້າຮ່ວມຢ່າງຕັ້ງໜ້າ”. ນີ້ແມ່ນຂໍ້ມູນເຊິ່ງຜູ້ວ່າການທະນະຄານແຫ່ງລັດຫວຽດນາມ ຫງວຽນວັນບິ່ງ ຍົກອອກມາຢູ່ນອກກອງປະຊຸມສະໄໝສາມັນເທື່ອທີ 7 ສະພາແຫ່ງຊາດຫວຽດນາມ ຊຸດທີ 13. ຜູ້ວ່າການທະນະຄານແຫ່ງລັດ ຫງວຽນວັນບິ່ງ ໃຫ້ຮູ້ວ່າ: ລັດຈະພ້ອມກັບບັນດາທະນາຄານການຄ້າສະຫງວນບ້ວງສິນເຊື່ອ 10.000 ຕື້ດົງ ເພື່ອໜູນຊ່ວຍຊາວປະມົງ, ພິເສດ ທະນາຄານແຫ່ງລັດພວມພິຈາລະນາບັນດາຮູບແບບໃຫ້ຊາວປະມົງກູ້ຍື່ມທຶນດ້ວຍຄ່າດອກເບ້ຍ 0%. ຜູ້ວ່າການທະນະຄານແຫ່ງລັດ ຫງວຽນວັນບິ່ງ ໃຫ້ຮູ້ວ່າ.
“ກ່ຽວກັບບ້ວງເງິນໃຫ້ບຸລິມະສິດນັ້ນ, ທ່ານນາຍົກລັດຖະມົນຕີໄດ້ມອບໜ້າທີ່ໃຫ້ກະຊວງກະສິກຳ ແລະ ພັດທະນາຊົນນະບົດ ເປັນເຜູ້ຮັບຜິດຊອບຮຽບຮຽງດຳລັດຂອງລັດຖະບານ ກ່ຽວກັບບັນຫາດັ່ງກ່າວ ແລະ ໃນກອງປະຊຸມຜ່ານມາຂອງລັດຖະບານ ຮ່າງດຳລັດໃນເບື້ອງຕົ້ນໄດ້ຮັບການປຶກສາຫາລື. ລັດຖະບານໄດ້ສະຫຼຸບວ່າ ຕ້ອງຍູ້ແຮງການຮຽບຮຽງດຳລັດດັ່ງກ່າວ ເພື່ອມີກອບກົດໝາຍເປັນເອກະພາບໃນທົ່ວປະເທດ ເພື່ອຜັນຂະຫຍາຍໃຫ້ຊາວປະມົງປະຕິບັດຢ່າງມີປະສິດທິຜົນ.”