ທະນາຍຄວາມອາເມລິກາສະໜັບສະໜູນຜູ້ປະສົບເຄາະຮ້າຍຈາກ ທາດພິດ ດີໂອຊິນຫວຽດນາມ
ນັກຂ່າວ VOV ພົບປະກັບນັກທະນາຍຄວາມ Jeanne Mirer
|
Vovworld- ການຕໍ່ສູ້ເພື່ອຄວາມຍຸຕິທຳຂອງບັນດາຜູ້ປະສົບເຄາະຮ້າຍຈາກ ທາດພິດສີສົ້ມ/ ດີໂອຊິນຫວຽດນາມ ພວມສືບຕໍ່ໄດ້ຮັບການສະໜັບສະໜູນຢ່າງແຂງແຮງຈາກວົງຄະນະຍາດສາກົນ, ໃນນັ້ນມີບັນດາເພື່ອນມິດອາມາເລິກາ. ຫວ່າງແລ້ວນີ້, ຮ່າງກົດໝາຍສະບັບໜຶ່ງຊຶ່ງຮຽກຮ້ອງລັດຖະບານ ອາເມລິກາ ຈົ່ງໜູນຊ່ວຍ ບັນດາຜູ້ປະສົບເຄາະຮ້າຍຈາກ ທາດພິດສີສົ້ມ ແລະ ກຳຈັດ, ທຳຄວາມສະອາດຢູ່ບັນດາເຂດຖືກຕິດທາດພິດສີສົ້ມ/ດີໂອຊິນ ໃນປະເທດຫວຽດນາມ ໄດ້ຖືກນຳສະເໜີຢູ່ທີ່ສະພາຕ່ຳ ອາເມລິກາ. ນັກທະນາຍຄວາມ Jeanne Mirer ຊຶ່ງແມ່ນໜຶ່ງໃນບັນດາຜູ້ລິເລີ່ມຮຽບຮຽງຮ່າງກົດໝາຍດັ່ງກ່າວຢືນຢັນວ່າ : ນີ້ການຕໍ່ສູ້ທີ່ຍາວນານ, ແຕ່ນາງເອງ ແລະ ເພື່ອນມິດ ອາເມລິກາຫຼາຍຄົນຈະສືບຕໍ່ທຳການຕໍ່ສູ້ເພື່ອໄຊຊະນະສຸດທ້າຍ. ກ່ຽວກັບເນື້ອໃນຂອງຮ່າງກົດໝາຍທີ່ ຖືກນຳສະເໜີຢູ່ທີ່ສະພາຕ່ຳ ອາເມລິກາ, ນັກທະນາຍຄວາມ Jeanne Mirer ໃຫ້ຮູ້ວ່າ :
“ ຮ່າງກົດໝາຍແມ່ນເລັ່ງໃສ່ 3 ກຸ່ມຄື: ທະຫານຜ່ານເສິກອາເມລິກາ, ຊາວອາເມລິກາເຊື້ອຊາດຫວຽດນາມ ແລະ ຊາວຫວຽດນາມ. ດ້ວຍເລື່ອງຄວບເອົາທັງ 3 ກຸ່ມດັ່ງກ່າວເຂົ້າເປັນໜຶ່ງ, ພວກເຮົາຈະໄດ້ຮັບການສະໜັບສະໜູນຈາກສະພາແຫ່ງຊາດ ອາເມລິກາຫຼາຍກ່ວາ ເຖິງແມ່ນວ່າ ມາຮອດປະຈຸບັນ, ເບິ່ງຄືວ່າສະພາແຫ່ງຊາດຍັງບໍ່ທັນເຮັດໄດ້ຫຍັງຫຼາຍ. ນີ້ແມ່ນການຕໍ່ສູ້ຍາວນານ. ພວກເຮົາອາດຈະບໍ່ປະສົບຜົນສຳເລັດໃນປີນີ້ ແຕ່ຫວັງວ່າ ຈະບັນລຸໄດ້ເປົ້າໝາຍໃນອະນາຄົດອັນໃກ້ໆນີ້ ”