ທະຫານປົດປ່ອຍປະຊາຊົນຈີນປະຕິບັດໜ້າທີ່ຕ້ານກໍ່ການຮ້າຍຢູ່ຕ່າງປະເທດ
ກອງທັບປົດປ່ອຍປະຊາຊົນ (PLA)
(ພາບ: ອິນເຕີແນັດ)
(vovworld) - ຕາມກົດໝາຍວ່າດ້ວຍການຕ້ານກໍ່ການຮ້າຍ ເຊິ່ງສະພາແຫ່ງຊາດ ຈີນໄດ້ຮັບຮອງເອົາເມື່ອຕອນບ່າຍວັນທີ 27/12 ແລ້ວ, ກອງທັບປົດປ່ອຍປະຊາຊົນ (PLA) ຈະມີສິດເຂົ້າຮ່ວມບັ້ນຮົບຕ້ານກໍ່ການຮ້າຍຢູ່ຕ່າງປະເທດ. ເປັນອັນວ່າ, ທະຫານປົດປ່ອຍປະຊາຊົນ ແລະ ກຳລັງຕຳຫຼວດປະກອບອາວຸດ ຈີນສາມາດປະຕິບັດໜ້າທີ່ຕ້ານກໍ່ການຮ້າຍຢູ່ຕ່າງປະເທດ, ຖ້າຫາກຄະນະພັກການທະຫານສູນກາງຈີນເຫັນດີ. ວົງການເຈົ້າໜ້າທີ່ຕຳຫຼວດ ແລະ ປ້ອງກັນຄວາມສະຫງົບແຫ່ງຊາດກໍ່ສາມາດແຕ່ງຕັ້ງຄົນໄປຕ່າງປະເທດເພື່ອປະຕິບັດໜ້າທີ່ຕ້ານກໍ່ການຮ້າຍໄດ້, ຖ້າຫາກໄດ້ຮັບຄວາມເຫັນດີຈາກລັດຖະບານ ພ້ອມກັບບັນດາຂໍ້ຕົກລົງທີ່ໄດ້ຮັບການລົງນາມກັບບັນດາປະເທດທີ່ກ່ຽວຂ້ອງ.