ການພົບປະແລກປ່ຽນສະແດງສິລະປະ ເພື່ອຄຳນັບຮັບຕ້ອນລະດູບານໃໝ່ປີມະແມ 2015 ຢູ່ເກາະຕ່າງໆໃນໝູ່ເກາະເຈືອງຊາຂອງຫວຽດນາມ |
(vovworld)- ໃນຂອບເຂດການຢ້ຽມຢາມ ແລະ ມອບຂອງຂວັນເນື່ອງໃນໂອກາດບຸນປີໃໝ່ປະຈຳຊາດ, ຢູ່ເກາະ ດາວເຊີນກາ, ນາມອຽດ …ທີ່ເມືອງເກາະເຈືອງຊາ ແຂວງ ແຄ້ງຮ່ວາ ໄດ້ດຳເນີນການພົບປະແລກປ່ຽນສະແດງສິລະປະ ເພື່ອຄຳນັບຮັບຕ້ອນລະດູບານໃໝ່ປີມະແມ 2015 ລະຫວ່າງບັນດາພະນັກງານ, ນັກຮົບ ແລະ ປະຊາຊົນໃນເກາະ ກັບຄະນະປະຕິບັດງານທະຫານເຂດ 4, ກອງພົນນ້ອຍ 146. ນັກປະພັນດົນຕີ ວູ້ວັນລຶກ, ຜູ້ໄດ້ປະພັນຫຼາຍບົດເພງກ່ຽວກັບເຈືອງຊາ ເວົ້າວ່າ :
“ ຂ້າພະເຈົ້າມີຄວາມສຸກເພາະໄດ້ໄປເຈືອງຊາ, ໄດ້ຢ້ຽມຢາມ ພະນັກງານ, ນັກຮົບ ແລະ ປະຊາຊົນໃນເກາະ, ພິເສດໄດ້ຂັບຮ້ອງບັນດາບົດເພງທີ່ຕົນປະພັນກ່ຽວກັບໝູ່ເກາະ. ນີ້ແມ່ນຄວາມເອກອ້າງທະນົງໃຈ ແລະ ຂ້າພະເຈົ້າເຫັນວ່າ ຕົນເອງມີຄວາມຮັບຜິດຊອບກັບບ້ານເກີດເມືອງນອນ, ປະເທດຊາດ”
ສ່ວນພັນຕີ ວູ້ຢີແຄ້ງ ຜູ້ບັນຊາການກຳລັງເຈືອງຊາໃຫ້ຮູ້ວ່າ
“ການພົບປະແລກປ່ຽນສະແດງສິລະປະ, ພະນັກງານ, ນັກຮົບ ແລະ ປະຊາຊົນໃນເກາະມີຄວາມເບີກບານໃຈ. ພວກຂ້າພະເຈົ້າຂໍປະຕິຍານວ່າ ຈະພະຍາຍາມຮຽນ ແລະ ຝຶກຝົນຫຼໍ່ຫຼອມເພື່ອເຮັດຫຼ້ອນໜ້າທີ່ຊຶ່ງພັກ, ລັດ ແລະ ປະຊາຊຊົນມອບໝາຍໃຫ້ ”