ທະຫານເຮືອ ຍີ່ປຸ່ນ - ອັງກິດ ດຳເນີນການຊ້ອມຮົບຮ່ວມ
(VOVWORLD) -ວັນທີ 25 ສິງຫາ, ທະຫານເຮືອ ຍີ່ປຸ່ນ ແລະ ອັງກິດ ໄດ້ດຳເນີນການຊ້ອມຮົບຮ່ວມຢູ່ ປາຊີຟິກ, ທາງທິດໃຕ້ເກາະ Okinawa ເພື່ອແນໃສ່ເພີ່ມທະວີການຮ່ວມມືໃນດ້ານປ້ອງກັນຊາດ.
 ກ່ຳປັ່ນສູ້ຮົບ HMS Queen Elizabeth ຂອງ ອັງກິດ (ພາບ: hampshirelive.news) |
ການຊ້ອມຮົບດັ່ງກ່າວມີການເຂົ້າຮ່ວມຂອງກ່ຳປັ່ນຂັບໄລ່ Ise ຂຶ້ນກັບກຳລັງປ້ອງກັນຕົວຢູ່ທະເລ ຂອງ ຍີ່ປຸ່ນ ແລະ ບັນດາກ່ຳປັ່ນສູ້ຮົບຂອງ ອັງກິດ HMS Queen Elizabeth.
ນີ້ແມ່ນຄັ້ງທຳອິດທີ່ກ່ຳປັ່ນສູ້ຮົບຂະໜາດໃຫຍ່ທີ່ສຸດຂອງກອງທັບເຮືອລາຊະອານາຈັກ ອັງກິດ ດຳເນີນການຊ້ອມຮົບກັບກຳລັງປ້ອງກັນຄົວຢູ່ທະເລຂອງ ຍີ່ປຸ່ນ ຢູ່ມໍ່ກັບເຂດໝູ່ເກາະຂອງ ຍີ່ປຸ່ນ. ປັດຈຸບັນ, ບັນດາກ່ຳປັ່ນຂອງທະຫານເຮືອ ອາເມລິກາ ແລະ ໂຮນລັງ ກໍມີໜ້າພ້ອມກັບກຸ່ມກ່ຳປັ່ນສູ້ຮົບຂອງ ອັງກິດ ເຂົ້າຮ່ວມການຊ້ອມຮົບດັ່ງກ່າວ.