(vovworld) - ວັນທີ 22/8, ທະຫານເຮືອ ອິນໂດເນເຊຍ ປະກາດວ່າ: ທະຫານເຮືອ 10 ປະເທດສະມາຊິກ ອາຊຽນ ພ້ອມກັບ 8 ປະເທດອື່ນເຊິ່ງລວມມີ: ອາເມລິກາ, ຍີ່ປຸ່ນ, ຈີນ, ລັດເຊຍ, ອິນເດຍ, ສ ເກົາຫຼີ, ອົດສະຕາລີ ແລະ ນິວຊີແລນ, ຈະເຂົ້າຮ່ວມການຊ້ອມຮົບຮ່ວມຢູ່ເຂດແຄມທະເລ ອິນໂດເນເຊຍ ຂຶ້ນກັບທະເລຕາເວັນອອກໃນປີໜ້າ. ການຊ້ອມຮົບມີຊື່ວ່າ “ການຊ້ອມຮົບຫຼາຍຝ່າຍ Komodo 2014”, ດ້ວຍຈຸດປະສົງສ່ວນໜຶ່ງແມ່ນເພື່ອແນໃສ່ຮັບມືກັບບັນດາໄພນາບຂູ່ໃນທະເລ, ຈະໄດ້ດຳເນີນໃນເດືອນ 4/2014 ຢູ່ເຂດທະເລໝູ່ເກາະ Natuna ແລະ Anambas, ນອນຢູ່ເຄິ່ງກາງລະຫວ່າງແຫຼມ ມາເລເຊຍ ແລະ ເກາະ Borneo. ໝູ່ເກາະທັງ 2 ແຫ່ງດັ່ງກ່າວລ້ວນແຕ່ຂຶ້ນກັບທະເລຕາເວັນອອກ, ບ່ອນທີ່ເກີດການພິດພາດເຂດນ່ານທະເລພວມປິນຂັ້ນໄດລະຫວ່າງບາງປະເທດສະມາຊິກ ອາຊຽນ ແລະ ຈີນ. ຖະແຫຼງການຂອງກອງທັບ ອິນໂດເນເຊຍ ໃຫ້ຮູ້ຕື່ມອີກວ່າ: ຈະຜັນຂະຫຍາຍກຳ່ປັນຮົບ 12 ລຳເຂົ້າຮ່ວມການຊ້ອມຮົບດັ່ງກ່າວ. ນອກຈາກຈຸດປະສົງດັ່ງກ່າວ, ການຊ້ອມຮົບຮ່ວມຈະສຸມໃສ່ເຂົ້າໃນບັນຫາໜູນຊ່ວຍມະນຸດສະທຳ ແລະ ກູ້ໄພກູ້ຊີບຍ້ອນໄພທຳມະຊາດ.