( vovworld ) – ຜູ້ອອກສະໝັກຮັບເລືອກຕັ້ງພັກສັງຄົມ, ທ່ານ Francois Hollande ຍາດໄດ້ໄຊຊະນະໃນການເລືອກຕັ້ງປະທານາທິບໍດີຟລັ່ງ ໃນການເລືອກຕັ້ງຮອບທີ 2 ເຊິ່ງດຳເນີນໄປໃນວັນທີ 6/5. ໝາກຜົນຂອງການກວດໃນເບື້ອງຕົ້ນເຊິ່ງປະກາດໃນວັນດຽວກັນຊີ້ໃຫ້ເຫັນວ່າ ທ່ານ Francois Hollande ຍາດໄດ້ບັດສະໜັບສະໜູນແມ່ນ 51,05%, ສ່ວນທ່ານ Nicolas Sarkozy ໄດ້ຮັບບັດສະໜັບສະໜູນພຽງ 48,95%.
ທ່ານ Francois Hollande ໄດ້ມີບົດກ່າວປາໄສທຳອິດເມື່ອຍາດໄດ້ໄຊຊະນະໃນການເລືອກຕັ້ງປະທານາທິບໍດີຟລັ່ງ. ທ່ານໃຫ້ຮູ້ວ່າ ຈະມານະພະຍາຍາມນຳປະເທດຟລັ່ງ ຫຼຸດພົ້ນອອກຈາກວິກິດການ, ໃນຂະນະທີ່ຍັງຄົງຮັກສາຄວາມສະເໝີພາບດ້ານສາທາລະນະສຸກ ແລະ ການສຶກສາ. ທ່ານເນັ້ນໜັກວ່າ; ໜ້າທີ່ທຳອິດຂອງປະທານາທິບໍດີຟລັ່ງ ແມ່ນເຮັດໃຫ້ທຸກໆຄົນພ້ອມກັນກະທຳເພື່ອຮັບມືກັບບັນດາສິ່ງທ້າທ້າຍໃຫຍ່ໃນຕໍ່ໜ້າ. ຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ ຜູ້ມີສິດເລືອກຕັ້ງທີ່ສະໜັບສະໜູນທ່ານ Hollande ຫຼາຍຄົນໄດ້ສະແດງຄວາມປະເອີບໃຈຕໍ່ໜ້າຄຳສັນຍາຂອງທ່ານ Hollande.
“ ຂ້າພະເຈົ້າສະໜັບສະໜູນບັນດານະໂຍບາຍເຊິ່ງທ່ານ Hollande ໄດ້ວາງອອກ. ຖ້າຫາກປະຕິບັດທຸກວຽກງານໃນທັນທີແມ່ນຫຍຸ້ງຍາກ ແຕ່ໃນໄລຍະ 5 ປີ ຂ້າພະເຈົ້າເຫັນວ່າຈະມີຄວາມຫວັງ, ເຖິງແມ່ນວ່ານີ້ແມ່ນບັນດາຄວາມຫຍຸ້ງຍາກໃນສະພາບວິກິດການລວມຄືປະຈຸບັນ ”
ແຕ່ຍັງມີບັນດາຜູ້ມີສິດເລືອກຕັ້ງພັດສະແດງຄວາມວິຕົກກັງວົນຕໍ່ໜ້າທີ່ຮັບຜິດຊອບຂອງທ່ານປະທານາທິບໍດີຟລັ່ງ ຄົນໃໝ່ ເມື່ອເຫັນວ່າໜ້າທີ່ໃນຕໍ່ໜ້າຂອງປະເທດຟລັ່ງຍັງມີວຽກງານຫຼາຍຢ່າງທີ່ຕ້ອງເຮັດ.
“ ຂ້າພະເຈົ້າຍາກທີ່ຈະມີຄວາມປະເອີບໃຈ, ແຕ່ກໍ່ຕ້ອງຮັບຮູ້, ເພາະນັ້ນເປັນການເລືອກເຝັ້ນຂອງປະຊາຊົນຟລັ່ງ ແລະ ພວກຂ້າພະເຈົ້າຕ້ອງຮັບຮູ້ຖ້າຫາກປະທານາທິບໍດີຄົນໃໝ່ບໍ່ສາມາດເຮັດໄດ້ທຸກສິ່ງທຸກຢ່າງຄືດັ່ງທີ່ທ່ານໄດ້ໃຫ້ຄຳໝັ້ນສັນຍາໃນການຂົນຂວາຍເລືອກຕັ້ງ. ແຕ່ເຖິງຢ່າງໃດກໍຕາມ ປະຊາຊົນຟລັ່ງໄດ້ເລືອກເຝັ້ນການປ່ຽນແປງ ແລະ ຖ້າຫາກການປ່ຽນແປງມີຄວາມຕັ້ງໜ້າຫຼືບໍ່ກໍຕ້ອງຍອມຮັບ ”.
ຄາດວ່າການມອບສິດອຳນາດຂອງປະທານນາທິບໍດີຟລັ່ງ ຈະເລີ່ມຕົ້ນໃນຮອບເວລາ 1 ອາທິດ.