(vovworld) - ຕອນເຊົ້າວັນທີ 28/8, ຢູ່ສຳນັງານສູນກາງພັກ, ທ່ານ Le Hong Anh ກຳມະການກົມການເມືອງ, ຜູ້ປະຈຳການຄະນະເລຂາ ໄດ້ໃຫ້ການຕ້ອນຮັບທ່ານ Teo Chee Hean ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງພາຍໃນ ແລະ ລັດຖະມົນຕີປະສານງານປ້ອງກັນຄວາມສະຫງົບແຫ່ງຊາດສິງກະໂປ ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ນະທີນີ້, ທ່ານ Le Hong Anh ໄດ້ແຈ້ງໃຫ້ທ່ານ Teo Chee Hean ຂ່າວກ່ຽວກັບສະພາບການເສດຖະກິດສັງຄົມຂອງຫວຽດນາມ ໃນໄລຍະມໍ່ໆມານີ້, ກ່ຽວກັບວຽກງານກໍ່ສ້າງພັກ ກໍ່ຄືການພົວພັນລະຫວ່າງພັກກອມມູນິດຫວຽດນາມ ກັບບັນດາພັກການເມືອງອື່ນໃນໂລກໂດຍຍໍ້, ໃນນັ້ນມີພັກເຄື່ອນໄຫວປະຊາຊົນສິງກະໂປ; ສະເໜີໃຫ້ສອງປະເທດສືບຕໍ່ຊຸກຍູ້ການພົວພັນຮ່ວມມືໃນທຸກຂົງເຂດກວ່າອີກ. ທ່ານ Le Hong Anh ຊົມເຊີຍໝາກຜົນແຫ່ງການຮ່ວມມືຢ່າງແໜ້ນແຟ້ນລະຫວ່າງກະຊວງຕຳຫຼວດຫວຽດນາມ ແລະ ກະຊວງພາຍໃນສິງກະໂປ ໃນໄລຍະຜ່ານມາ, ພິເສດເລື່ອງສອງກະຊວງໄດ້ລົງນາມຕໍ່ກຳນົດເວລາໃຫ້ຂໍ້ຕົກລົງຮ່ວມມືປ້ອງກັນ, ຕ້ານອາດຊະຍາກຳ ຈະປະກອບສ່ວນນຳການພົວພັນຮ່ວມມືລະຫວ່າງສອງກະຊວງກ້າວເຂົ້າສູ່ລວງເລີກ ແລະ ນຳມາເຊິ່ງປະສິດທິຜົນຢ່າງແທດຈິ່ງ.
ທ່ານ Teo Chee Hean ໄດ້ຢືນຢັນວ່າ, ຍາມໃດ ສິງກະໂປ ກໍຖືເປັນສຳຄັນ ແລະ ປາດຖະໜາຢາກຊຸກຍູ້ການພົວພັນຮອບດ້ານກັບຫວຽດນາມ ໃຫ້ຂຶ້ນສູ່ລະດັບສູງໃໝ່ ເພື່ອເໝາະສົມກັບຄວາມສາມາດບົ່ມຊ້ອນລະຫວ່າງສອງປະເທດ.