ທ່ານປະທານສະພາແຫ່ງຊາດ Nguyen Sinh Hung
(ພາບ:thitruongotc.com.vn)
(VOV)- ໂດຍໄດ້ຮັບຄຳເຊີນຂອງທ່ານນາງປານີ ຢາທໍ່ຕູ້ ປະທານສະພາແຫ່ງຊາດ ສປປ ລາວ, ປະທານ ASEP 7, ຕອນບ່າຍວັນທີ 2/10, ທ່ານປະທານສະພາແຫ່ງຊາດ Nguyen Sinh Hung ນຳໜ້າຄະນະຜູ້ແທນສະພາແຫ່ງຊາດຫວຽດນາມ ໄດ້ເດີນທາງໄປລາວເພື່ອເຂົ້າຮ່ວມກອງປະຊຸມຄູ່ຮ່ວມມືລັດຖະສະພາອາຊີ-ເອີລົບ ຄັ້ງທີ 7 (ASEP 7) ຊື່ງຈະຖືກຈັດຂຶ້ນຢູ່ນະຄອນຫຼວງວຽງຈັນ-ລາວ ແຕ່ວັນທີ 3-4/10. ກອງປະຊຸມ ASEP 7 ແມ່ນເວທີປາໄສເພື່ອໃຫ້ສະມາຊິກສະພາແຫ່ງຊາດຂອງສອງທະວີບອາຊີ-ເອີລົບ ປຶກສາຫາລື, ແລກປ່ຽນທັດສະນະຊຸກຍູ້ຄວາມເຂົ້າອົກເຂົ້າໃຈລະຫວ່າງປະຊາຊົນບັນດາປະເທດອາຊີ ແລະ ເອີລົບ. ເຂົ້າຮ່ວມກອງປະຊຸມຄັ້ງນີ້, ຄາດວ່າ, ຄະນະຜູ້ແທນສະພາແຫ່ງຊາດຫວຽດນາມ ຈະມີບັນດາບົດກ່າວປາໄສກ່ຽວກັບບັນດາມາດຕະການຄຸ້ມຄອງໜີ້ສິນຂອງລັດ; ຄ້ຳປະກັນດ້ານສະບຽງອາຫານ ແລະ ເພີ່ມທະວີການເຂົ້າຮ່ວມຂອງສັງຄົມກ່ຽວກັບການປ້ອງກັນ, ຕ້ານໄພທຳມະຊາດ, ເພື່ອແນໃສ່ພ້ອມກັບລັດຖະສະພາສອງທະວີບອາຊີ-ເອີລົບ ປະຕິບັດບັນດາຄຳໝັ້ນສັນຍາຊື່ງຫວຽດນາມ ໄດ້ຮ່ວມມືກັບປະເທດຕ່າງໆຢ່າງຄົບຖ້ວນ.
(ພາບປະກອບ:hanoimoi.com.vn)
ເມື່ອມາຮອດລາວ, ທ່ານປະທານສະພາແຫ່ງຊາດ Nguyen Sinh Hung ແລະ ບັນດາສະມາຊິກໃນຄະນະຜູ້ແທນສະພາແຫ່ງຊາດຫວຽດນາມ ໄດ້ເຂົ້າຢ້ຽມຂ່ຳນັບທ່ານເລຂາທິການໃຫ່ຍ, ປະທານປະເທດລາວ ຈູມມາລີ ໄຊຍະສອນ, ທ່ານປະທານສະພາແຫ່ງຊາດ Nguyen Sinh Hung ຢັ້ງຢືນວ່າ ພັກ, ສະພາແຫ່ງຊາດ ແລະ ປະຊາຊົນຫວຽດນາມ ສືບຕໍ່ຮ່ວມມື, ສະໜັບສະໜູນ ແລະ ໜູນຊ່ວຍລາວ ໃນບັນດາເວທີປາໄສຫຼາຍຝ່າຍເພື່ອສັນຕິພາບ, ການພັດທະນາ ແລະ ວັດທະນະຖາວອນໃນພາກພື້ນ ແລະ ໃນໂລກ. ທ່ານປະທານສະພາແຫ່ງຊາດ Nguyen Sinh Hung ສະແດງຄວາມພາກພູມໃຈຕໍ່ການຮ່ວມມືອັນດີງາມລະຫວ່າງສອງປະເທດໃນຂອບເຂດການຮ່ວມມືອາຊຽນ ແລະ ອະນຸພາກພື້ນແມ່ນ້ຳຂອງເປີດກ້ວາງ, ການຮ່ວມມືລະຫວ່າງ 3 ປະເທດຫວຽດນາມ-ລາວ-ກຳປູເຈຍ ແລະ ບັນດາເວທີປາໄສອື່ນໆ. ທ່ານປະທານສະພາແຫ່ງຊາດ Nguyen Sinh Hung ສະເໜີໃຫ້ສອງປະເທດຈົ່ງຮ່ວມມືກັນຢ່າງແໜ້ນແຟ້ນ ແລະ ສະຫນັບສະໜູນຊື່ງກັນ ແລະ ກັນທີ່ບັນດາເວທີປາໄສຫຼາຍຝ່າຍໃນພາກພື້ນ ແລະ ໃນໂລກ.
ແລະ ກໍ່ໃນຕອນບ່າຍຂອງວັນທີ 2/10, ທ່ານປະທານສະພາແຫ່ງຊາດ Nguyen Sinh Hung ແລະ ຄະນະຜູ້ແທນສະພາແຫ່ງຊາດຫວຽດນາມ ໄດ້ມີການພົບປະເຈລະຈາກັບທ່ານນາຍົກລັດຖະມົນຕີລາວ ທອງສິງ ທຳມະວົງ.