ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ຕ້ອນຮັບບັນດາ ເອກອັກຄະລັດຖະທູດຍື່ນສານຕາຕັ້ງ
(VOVWORLD) -ຕອນເຊົ້າວັນທີ 27 ກຸມພາ, ຢູ່ນະຄອນຫຼວງ ຮ່າໂນ້ຍ, ເອກອັກຄະລັດຖະທູດວິສາມັນຜູ້ມີອຳນາດເຕັມ 7 ປະເທດແມ່ນ ລາຊະອານາຈັກ ກຳປູເຈຍ, ສະວິດ , ສາທາລະນະລັດ ເວເນຊູເອລາ, ສາທາລະນະລັດ ເກຼັກ, ລາຊະອານາຈັກລຸກຊຳບວກ, ສາທາລະນະລັດ ປາຣາກວາຍ, ລາຊະອານາຈັກ ຈໍແດນ ໄດ້ເຂົ້າຍື່ນສານຕາຕັ້ງຕໍ່ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ເນື່ອງໃນໂອກາດໄດ້ແຕ່ງຕັ້ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມປະຈຳ ຫວຽດນາມ.
 ທ່ານ ຫງວຽນຝູຈ້ອງ ເລຂາທິການໃຫຍ່ ຫວຽດນາມ ແລະ ບັນດາເອກອັກຄະລັດຖະທູດ (ພາບ: TTXVN) |
ຫຼັງຈາກພິທີຍື່ນສານຕາຕັ້ງ, ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ໄດ້ຕ້ອນຮັບບັນດາເອກອັກຄະລັດຖະທູດເຫຼົ່ານັ້ນ.
ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ເຊື່ອໝັ້ນວ່າໃນອາຍຸການນີ້, ດ້ວຍບົດຮຽນ, ລະດັບຄວາມຮູ້, ກຳລັງຄວາມສາມາດ ແລະ ຄວາມເຂົ້າໃຈກ່ຽວກັບ ຫວຽດນາມ, ບັນດາເອກອັກຄະລັດຖະທູດຈະປະຕິບັດສຳເລັດໜ້າທີ່ສຳຄັນທີ່ໄດ້ຮັບການມອບໝາຍໃຫ້ເປັນຢ່າງດີ, ສືບຕໍ່ແມ່ນຂົວຕໍ່, ປະກອບສ່ວນສຳຄັນໃຫ້ແກ່ການເພີ່ມພູນຄູນສ້າງ, ພັດທະນາກ່ວາອີກສາຍພົວພັນມິດຕະພາບ, ການຮ່ວມມືລະຫວ່າງ ຫວຽດນາມ ແລະ ບັນດາປະເທດ ເຊິ່ງບັນດາເອກອັກຄະລັດຖະທູດເປັນຜູ້ຕາງໜ້າ. ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ຢັ້ງຢືນວ່າ ລັດ ຫວຽດນາມ ຍາມໃດກໍ່ສ້າງເງື່ອນໄຂສະດວກເພື່ອໃຫ້ບັນດາເອກອັກຄະລັດຖະທູດປະຕິບັດໜ້າທີ່ຂອງຕົນໃຫ້ສຳເລັດເປັນຢ່າງດີ; ຫວັງວ່າໃນອາຍຸການວຽກງານຂອງຕົນຢູ່ຫວຽດນາມໃນນາມສ່ວນຕົວເອກອັກຄະລັດຖະທູດຈະສ້າງຄວາມປະທັບໃຈອັນດີງາມ; ສາຍພົວພັນລະຫວ່າງ ຫວຽດນາມ ແລະ ບັນດາປະເທດເຊິ່ງບັນດາເອກອັກຄະລັດຖະທູດຕາງໜ້າຈະມີບາດກ້າວພັດທະນາໃໝ່, ມີຄວາມດີງາມກ່ວາອີກ.