(vovworld) – ວັນທີ 05/07, ເມື່ອລົງຢ້ຽມຢາມ ແລະ ກວດກາວຽກງານຢູ່ປ້ອມປ້ອງກັນຊາຍແດນສາກົນ ມ໋ອງກ໋າຍ, ແລະ ປ້ອມປ້ອງກັນຊາຍແດນ ຈ່າໂກ ແຂວງກວາງນິງ, ທ່ານກຳມະການກົມການເມືອງ, ເລຂາສູນກາງພັກ ເລວັນຢຸ້ ໄດ້ຕີລາຄາສູງບັນດາຜົນງານຂອງພະນັກງານ, ນັກຮົບໃນໜ້າທີ່ປົກປັກຮັກສາອະທິປະໄຕເຂດຊາຍແດນ, ສົມທົບກັບອຳນາດການປົກຄອງ ແລະ ກຳລັງປະຕິບັດໜ້າທີ່ຢ່າງຕັ້ງໜ້າ ເພື່ອປະຕິບັດວຽກງານປ້ອງກັນຕ້ານການຄ້າສະເຖື່ອນ, ພິເສດແມ່ນການຄ້າຂາຍຢ່າເສັບຕິດ. ທ່ານ ເລວັນຢຸ້ ສະເໜີໃຫ້ບັນດາພະນັກງານ, ນັກຮົບກຳແໜ້ນສະພາບການໃນບໍລິເວັນ ເພື່ອເປັນເສນາທິການໃຫ້ຄະນະພັກອຳນາດການປົກຄອງແກ້ໄຂບັນດາກໍລະນີເກີດຂຶ້ນຢ່າງທັນການ, ເປັນເຈົ້າການປະຕິບັດໜ້າທີ່ການເມືອງ, ຮັກສາຄວາມສະຫງົບປອດໄພ, ການເມືອງເຂດຊາຍແດນ. ເນື່ອງໃນໂອກາດນີ້, ທ່ານ ເລວັນຢຸ້ ກໍ່ໄດ້ໄປຢ້ຽມຢາມບໍລິສັດວິທະຍາສາດເຕັກນິກ ເຕັກຮົງ ເງິນລອງ ຢູ່ເຂດອຸດສາຫະກຳ ຫາຍອຽນ, ນະຄອນ ມ໋ອງກ໋າຍ. ໃນໄລຍະຜ່ານມາ, ອຳນາດການປົກຄອງທ້ອງຖິ່ນ ແລະ ບັນດາອົງການທີ່ກ່ຽວຂ້ອງໄດ້ສົມທົບກັນຮັບປະກັນຄວາມປອດໄພ, ຄວາມເປັນລະບຽບຮຽບຮ້ອຍເປັນຢ່າງດີ ສະນັ້ນ ການຜະລິດ ດຳເນີນທຸລິກິດຂອງບໍລິສັດຍັງເປັນປົກກະຕິ, ຮັບປະກັນວຽກເຮັດງານທຳໃຫ້ຄົນງານຫວຽດນາມ ກວ່າ 4000 ຄົນ ແລະ ຄົນງານຊາວຈີນ ກວ່າ 200 ຄົນ.