ທ່ານຈັນສະໝອນຈັນຍາລາດລັດຖະມົນຕີກະຊວງປ້ອງກັນປະເທດລາວຢ້ຽມຢາມຫວຽດນາມຢ່າງເປັນທາງການ
(ທ່ານ ໂງຊວນລິກ ພົບປະເຈລະຈາກັບ
ທ່ານ ຈັນສະໝອນ ຈັນຍາລາດ )
(vovworld)- ໃນຕອນເຊົ້າວັນທີ 20/6, ຢູ່ຮ່າໂນ້ຍ, ທ່ານ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ ເປັນປະທານພິທີຕອນຮັບ ແລະ ພົບປະເຈລະຈາ ກັບທ່ານ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດລາວ ມາຢ້ຽມຢາມສັນທະວະໄມຕີ ຫວຽດນາມ ຢ່າງເປັນທາງການ. ລັດຖະມົນຕີທັງສອງທ່ານໄດ້ເຫັນດີເປັນເອກະພາບ ສືບຕໍ່ຜັນຂະຫຍາຍ ບັນດາເນື້ອໃນອະນຸສັນຍາ ກໍ່ຄືແຜນການຮ່ວມມື ລະຫວ່າງ ຫວຽດນາມ ແລະ ລາວ ຢ່າງຄົບຖ້ວນແລະ ມີປະສິດທິຜົນ, ໃນນັ້ນ, ເອົາໃຈໃສ່ເປັນພິເສດ ການແລກປ່ຽນຄະນະຜູ້ແທນຂັ້ນຕ່າງໆ; ບຸລິມະສິດບຳລຸງສ້າງ, ການແລກປ່ຽນບົດຮຽນ; ຊອກຄົ້ນ ແລະ ຈັດສົ່ງອັດຖິທະຫານອາສາສະໝັກ ແລະ ຜູ້ຊ່ຽວຊານຫວຽດນາມ ທີ່ເສຍສະຫຼະຊີວິດ ຢູ່ລາວ. ສອງຝ່າຍ ກໍ່ເຫັນດີເປັນເອກະພາບ ເພີ່ມທະວີການແລກປ່ຽນ, ທາບທາມຄຳເຫັນ ເພື່ອມີທັດສະນະລວມ ໃນບັນດາບັນຫາຄວາມໝັ້ນຄົງ ໃນພາກພື້ນ ແລະ ສາກົນ, ປະກອບສ່ວນຮັກສາຄວາມສາມັກຄີພາຍໃນກຸ່ມ ແລະ ບົດບາດໃຈກາງຂອງອາຊ່ຽນ, ເພື່ອສັນຕິພາບ, ສະຖຽນລະພາບ, ຄວາມໝັ້ນຄົງ ໃນພາກພື້ນ ແລະ ໂລກ.