(vovworld) - ຕອນບ່າຍວັນທີ 23/04, ທ່ານ ດິງເທີຮີນ, ກຳມະການກົມການເມືອງ, ຜູ້ປະຈຳການຄະນະເລຂາສູງກາງພັກກອມມູນິດຫວຽດນາມ, ໄດ້ມີການເຮັດວຽກກັບການນຳແຂວງກວາງຈິ້ ກ່ຽວກັບສະພາບການພັດທະນາເສດຖະກິດ, ສັງຄົມ, ການປ້ອງກັນຊາດປ້ອງກັນຄວາມສະຫງົບ, ວຽກງານກໍ່ສ້າງພັກ ແລະ ສະພາບການຜັນຂະຫຍາຍການປະຕິບັດກອງປະຊຸມໃຫຍ່ຄັ້ງທີ 12 ຂອງພັກ. ກ່າວຄຳເຫັນທີ່ການເຮັດວຽກ, ທ່ານ ດິງເທີຮີນ ເນັ້ນໜັກວ່າ: ແຂວງ ກວາງຈີ້ ຕ້ອງຍາດແຍ່ງກາລະໂອກາດເພື່ອນຳແຂວງ ກວາງຈີ້ ໃຫ້ພັດທະນາແບບຍືນຍົງ. ກວາງຈີ້ ແມ່ນແຂວງທຸກຍາກ ແຕ່ມີຄວາມສາມາດບົ່ມຊ້ອນ, ທ່າແຮງ ສະນັ້ນຄວນປະຕິບັດ 3 ຂອດບຸກທະລຸນັ້ນແມ່ນ: ປ່ຽນໃໝ່ສ້າງບັນດາກົນໄກນະໂນບາຍ ເພື່ອດຶງດູດການລົງທຶນໃຫ້ສົມບູນແບບ, ສ້າງຄວາມສະດວກໃຫ້ວິສາຫະກິດທຳມາຫາກິນ; ມີຂອດບຸກທະລຸຍຸດທະສາດດ້ານຊັບພະຍາກອນມະນຸດທີ່ມີິຄຸນນະພາບສູງ ເພື່ອເປີດທິດທາງໃໝ່ ແລະ ສຸມໃສ່ສ້າງພື້ນຖານໂຄງລ່າງຄົມມະນາຄົມໃຫ້ສຳເລັດ. ທ່ານ ດິງເທີຮີນ ກໍ່ເນັ້ນໜັກວ່າ, ກວາງຈີ້ ກໍຕ້ອງກຳນົດບັນດາໜ້າທີ່ຈຸດສຸມເພື່ອກໍ່ສ້າງບັນດາແຜນຮ່າງລວມ ດ້ວຍບັນດາມະຕິຂອງອົງຄະນະພັກແຂວງຄັ້ງທີ 16 ແລະ ມະຕິຂອງກອງປະຊຸມໃຫຍ່ທົ່ວປະເທດຄັ້ງທີ 12 ຂອງພັກ, ສຸມໃສ່ຊີ້ນຳ, ນຳພາປະຕິບັດໜ້າທີ່ ທີ່ໄດ້ວາງອອກຢ່າງມີໄຊ.