(VOVWORLD) - ທີ່ການປະຊຸມ, ລັດຖະບານ ແລະ ການນຳນະຄອນໂຮ່ຈີມິນ ໄດ້ເປັນເອກະພາບກັນ ຕ້ອງປະຕິບັດການແຍກຫ່າງຢ່າງເຂັ້ມງວດ ເພື່ອສະກັດກັ້ນແຫຼ່ງແຜ່ລະບາດ, ຫລຸດຜ່ອນບັນດາກໍລະນີ FO ແລະ ຈຳນວນຜູ້ເສຍຊີວິດໃນລະດັບຕ່ຳສຸດ.
ຕອນຄ່ຳວັນທີ 19 ສິງຫາ, ທ່ານນາຍົກລັດຖະມົນຕີຟ້າມມິນຈິງ ໄດ້ເປັນປະທານການປະຊຸມທາງອອນລາຍ ຂອງຄະນະປະຈຳລັດຖະບານ ກັບນະຄອນໂຮ່ຈີມິນ ແລະ ບັນດາແຂວງ ບິງເຢືອງ, ດົ່ງນາຍ, ລອງອານ ກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ 19.
ທີ່ການປະຊຸມ, ລັດຖະບານ ແລະ ການນຳນະຄອນໂຮ່ຈີມິນ ໄດ້ເປັນເອກະພາບກັນ ຕ້ອງປະຕິບັດການແຍກຫ່າງຢ່າງເຂັ້ມງວດ ເພື່ອສະກັດກັ້ນແຫຼ່ງແຜ່ລະບາດ, ຫລຸດຜ່ອນບັນດາກໍລະນີ FO ແລະ ຈຳນວນຜູ້ເສຍຊີວິດໃນລະດັບຕ່ຳສຸດ. ທ່ານນາຍົກລັດຖະມົນຕີຟ້າມມິນຈິງ ຮຽກຮ້ອງວ່າ:
ຫລຸດຜ່ອນຈຳນວນຜູ້ເສຍຊີວິດ ແມ່ນສິ່ງຕ້ອງເອົາໃຈໃສ່ບຸລິມະສິດ, ສະເໜີໃຫ້ ການນຳນະຄອນໂຮ່ຈີມິນ ພ້ອມກັບກະຊວງສາທາລະນະສຸກ, ກຳລັງທະຫານ, ຕຳຫຼວດ ເພື່ອກວດເບິ່ງບ່ອນໃດຂາດສຸກສາລາ, ບໍ່ມີ ໂອຊີ, ບໍ່ມີເຄື່ອງຊ່ວຍຫາຍໃຈ…ຖ້າຄົນເຈັບໄດ້ສຳຜັດນັບແຕ່ເບື້ອງຕົ້ນ, ໄດ້ຄົ້ນພົບໃນທັນທີ ຈະຫລຸດຜ່ອນຈຳນວນຜູ້ເສຍຊີວິດໄດ້.
ທ່ານນາຍົກລັດຖະມົນຕີຟ້າມມິນຈິງ ໄດ້ເນັ້ນໜັກເຖິງບັນດາຫຼັກມູນອັນເປັນພື້ນຖານໃນວຽກງານປ້ອງກັນ, ຕ້ານໂລກລະບາດໂຄວິດ 19 ແລະ ຮຽກຮ້ອງວ່າ ຕ້ອງຈັດການວິໄຈຫາເຊື້ອໂດຍດ່ວນ ຕາມການແນະນຳຂອງກະຊວງສາທາລະນະສຸກ, ດ້ວຍບັນດາຮູບການທີ່ເໝາະສົມ, ນັບທັງຕ້ອງໄປວິໄຈຢູ່ກັບບ້ານ, ແຍກ F0 ອອກຊຸມຊົນ.