ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກີມເງິນ ເຮັດວຽກຢູ່ແຂວງ ດຽນບຽນ
ທ່ານນາງປະທານສະພາແຫ່ງຊາດ ຫວຽດນາມ
ຫງວຽນທິກີມເງິນ ເຮັດວຽກຢູ່ແຂວງ ດຽນບຽນ
(vovworld) - ໂດຍສືບຕໍ່ການປະຕິບັດງານຢູ່ບັນດາແຂວງເຂດທິດຕາເວັນຕົກສ່ຽງເໜືອ, ວັນທີ 12/03, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກີມເງິນ ໄດ້ລົງຢ້ຽມຢາມ ແລະ ເຮັດວຽກກັບປ້ອມປ້ອງກັນຊາຍແດນດ່ານຊາຍແດນ ໄຕຈາງ, ຕາແສງ ໜອງແຮດ, ເມືອງ ດຽນບຽນ, ແຂວງ ດຽນບຽນ. ກ່າວຄຳເຫັນນະທີ່ນີ້, ທ່ານນາງປະທານສະພາແຫ່ງຊາດ ຕີລາຄາສູງບັນດາຄວາມມານະພະຍາຍາມຂອງກົມກອງ ໄດ້ສຳເລັດໜ້າທີ່ດ້ານການເມືອງ, ຮັບປະກັນຄວາມສະຫງົບປອດໄພຊາຍແດນ, ເຂົ້າຮ່ວມໃນອຳນາດການປົກຄອງທ້ອງຖິ່ນທຸກຂັ້ນ. ປ້ອມປ້ອງກັນຊາຍແດນ ດ່ານຊາຍແດນສາກົນ ໄຕຈາງ ຍັງປະຕິບັດບັນດາການເຄື່ອນໄຫວພົວພັນຕ່າງປະເທດເປັນຢ່າງດີ, ສ້າງເສັ້ນຊາຍແດນມິດຕະພາບ. ທ່ານນາງປະທານສະພາແຫ່ງຊາດ ສະເໜີວ່າ ໃນໄລຍະຈະມາເຖິງ ປ້ອມປ້ອງກັນຊາຍແດນ ດ່ານຊາຍແດນສາກົນ ໄຕຈາງ ມານະພະຍາຍາມຕໍ່ສູ້ບັນດາໄພສັງຄົມ, ພິເສດແມ່ນອາດຊະຍາກຳຢາເສບຕິດ, ສືບຕໍ່ໂຄສະນາເຜີຍແຜ່ໃຫ້ປະຊາຊົນເພີ່ມທະວີທຳການຜະລິດ. ພ້ອມທັງ ລົງຊອກຮູ້ບັນດາຄວາມຫຍຸ້ງຍາກຂອງປະຊາຊົນ ຊ່ວຍເຫຼືອ, ແກ້ໄຂບັນດາຄວາມຫຍຸ້ງຍາກ ເພື່ອຊ່ວຍທ້ອງຖິ່ນພັດທະນາໃຫ້ດີກ່ວາ.