(vovworld) - ພາຍຫຼັງຢ້ຽມຢາມອິນເດຍຢ່າງເປັນທາງການໃນລະຫວ່າງວັນທີ 08 – 11/12, ຕອນບ່າຍວັນທີ 11/12 (ຕາມເວລາທ້ອງຖິ່ນ), ທ່ານນາງປະທານສະພາແຫ່ງຊາດ ຫງວຽນທິກິມເງິນ ພ້ອມກັບຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໄດ້ເດີນທາງອອກຈາກອິນເດຍ ໄປຍັງສະໜາມບິນ Abu Dhabi, ສະຫະລັດອາຣັບເອມມີເລດ ເຂົ້າຮ່ວມກອງປະຊຸມສຸດຍອດບັນດາປະທານສະພາແຫ່ງຊາດຍິງໂລກ ຄັ້ງທີ 11.
ກອງປະຊຸມບັນດາປະທານສະພາແຫ່ງຊາດຍິງໄດ້ຮັບການຈັດຕັ້ງ ເພື່ອຈຸດປະສົງຊຸກຍູ້ຄວາມສະເໝີພາບລະຫວ່າງຍິງ - ຊາຍ, ເພີ່ມທະວີບົດບາດ, ການເຂົ້າຮ່ວມຂອງແມ່ຍິງໃນບັນດາການເຄື່ອນໄຫວດ້ານການເມືອງ, ປະກອບສ່ວນແກ້ໄຂບັນດາບັນຫາສຳລັບເດັກຍິງ ແລະ ແມ່ຍິງຄື: ປົກປ້ອງ ແລະ ມອບສິດໃຫ້ເດັກຍິງ, ຕ້ານການໃຊ້ຄວາມຮຸນແຮງສຳລັບແມ່ຍິງ ແລະ ເດັກຍິງ.
ຄາດວ່າ, ກອງປະຊຸມຄັ້ງນີ້ຈະມີປະທານສະພາແຫ່ງຊາດຍິງໃນໂລກ 50 ທ່ານເຂົ້າຮ່ວມ. ດ້ວຍຫົວຂໍ້ວ່າ “ສາມັກຄີເພີ່ອກຳນົດທິດທາງໃຫ້ອະນາຄົດ”, ກອງປະຊຸມຈະແມ່ນໂອກາດເພື່ອໃຫ້ບັນດາປະທານສະພາແຫ່ງຊາດຍິງ ລະດົມກຳລັງແຮງສາມັກຄີ, ມານະພະຍາຍາມພ້ອມກັນແບ່ງປັນບົດຮຽນ, ພ້ອມທັງສ້າງຕັ້ງ ແລະ ເປີດກວ້າງເຄືອຂ່າຍຮ່ວມມືກັບສາກົນ.